ភ្នំពេញ៖ អំឡុងពេលយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ ដែលមាន​រយៈពេលមួយសប្តាហ៍មកនេះ ពលរដ្ឋរស់នៅក្នុងរាជធានីភ្នំពេញ យល់ឃើញថា ឃោសនិកបក្សប្រជាជនកម្ពុជាមានសុជីវធម៌ខ្ពស់ជាងគណបក្សដទៃ និងផ្សព្វផ្សាយគោលនយោបាយបានច្បាស់លាស់។

ពលរដ្ឋរស់នៅរាជធានីភ្នំពេញ បានថ្លែងថា តាមការសង្កេតក្នុងអំឡុងពេលឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណិត្តទី៥ ដែលមានរយៈពេលជាច្រើនថ្ងៃមកនេះ ឃោសនិកបក្សប្រជាជនកម្ពុជា មានសុជីវធម៌ខ្ពស់ជាងបក្សដទៃ និងផ្សព្វផ្សាយគោលនយោបាយហ្មត់ចត់ មានភាពទាក់ទាញច្រើន។

ពួកគាត់បន្តថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់ គឹមានសារៈខាន់ណាស់ ដើម្បី​ជ្រើសរើសថ្នាក់ដឹកនាំដែលមានសមត្ថភាព អភិវឌ្ឍន៍នៅក្នុងមូលដ្ឋាន និងបំរើប្រជាជនអស់ពីចិត្ត។

ការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ មានរយៈពេល១៤ថ្ងៃ ពោលចាប់ពីថ្ងៃ​ទី២១ខែឧសភា ដល់ថ្ងៃទី៣ខែមិថុនា ឆ្នាំ២០២២។

មាត្រា៦៨ នៃច្បាប់ស្តីពីការ​បោះឆ្នោត​ជ្រើសរើស​ក្រុមប្រឹក្សាឃុំ/សង្កាត់ បានចែងថា ការឃោសនា​បោះឆ្នោត គឺជាសកម្មភាពមួយចំនួនដែលត្រូវធ្វើ​ជាសាធារណៈដើម្បី​បញ្ចុះបញ្ចូល​អ្នកបោះឆ្នោត​ឲ្យបោះឆ្នោតគាំទ្របេក្ខជន ​ឬគណបក្សនយោបាយ ណាមួយមានដូចជា៖ ការជួបប្រជុំជា​សាធារណៈរបស់​គណបក្សនយោបាយ​ ឬបេក្ខជន ,ការរៀបចំក្បួនព្យុហយាត្រា ឬក្បួនដំណើរដោយ​ក្រុមថ្មើរជើង ឬដោយយានជំនិះគ្រប់ ប្រភេទនៅឃុំ សង្កាត់ យ៉ាងច្រើន ០២ (ពីរ) ដងក្នុងអំឡុង​ពេលឃោសនាបោះឆ្នោត ,ការឃោសនាតាមផ្ទះ, សកម្មភាពបិទផ្សាយនូវ​បដាពាក្យស្លោក ឬកម្មវិធី​នយោបាយ ឬរូបភាពឃោសនានានា និងសកម្មភាពចែកចាយខិតប័ណ្ណគណបក្ស​នយោបាយជាដើម៕អត្ថបទ៖ទូច សោភ័ណ