សៀមរាប៖ ក្រុមនិស្សិតអាហារូបករណ៍របស់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិតប៊ុន រ៉ានីហ៊ុន សែន នៃវិទ្យាស្ថានខ្មែរជំនាន់ថ្មីចំនួន ១៦៨នាក់ ដឹកនាំដោយលោកគ្រូបណ្ឌិត កុល សារូ នាយករងនៃវិទ្យាស្ថានខ្មែរជំនាន់ថ្មី ក្នុងនាមឯកឧត្តមបណ្ឌិត ណុប នរិន្ទ នាយកវិទ្យាស្ថានខ្មែរជំនាន់ថ្មី ចុះស្វែងយល់អំពីស្ពានកំពង់ក្ដី ខេត្តសៀមរាប នៅថ្ងៃទី២៧ ខែឧសភានេះ។

ក្នុងឱកាសនោះលោកគ្រូបណ្ឌិត កុល សារូ បានលើកឡើងថា ការចុះស្វែងយល់នេះ យើងសង្កេតទៅបច្ចេកទេស​សាងសង់របស់ស្ថាបត្យករសម័យបុរាណ និងពិនិត្យមើលទៅលើសម្ភារៈសាងសង់នៃស្ពានសម័យបុរាណវែងជាងគេនៅសម័យមហានគរ សាងសង់អំពីថ្មបាយក្រៀម និងថ្មភក់ ដែលមានបណ្ដោយ៨៦ម៉ែត្រ ,ទទឹង១៦ម៉ែត្រ និងកម្ពស់ពីបាតស្ពានមកដល់លើ១១ម៉ែត្រ។

លោកគ្រូ បានបន្ដថា ក្រុមនិស្សិតអាហារូបករណ៍របស់សម្ដេចតេជោ បានចុះមកទីតាំងពិតប្រាដក​ទទួល​បានចំណេះដឹងជាក់ស្ដែងហើយបានចោទសួរអំពីនីតិវិធីផ្សេងៗ​ទាក់ទង​ការ​គ្រប់គ្រង​សម័យ​មានភាព​វ័យឆ្លាត​របស់​បុព្វបុរសយើង ហើយការគ្រប់គ្រងនេះ​ទៀតសោត ​បាន​នឹងកំពុង​ជំរុញឱ្យ​មាន​ភាព​វ័យឆ្លាត​ដល់ថ្នាក់ដឹកនាំយើង​សព្វថ្ងៃដែលមានសម្ដេចតេជោ ហ៊ុន សែន ជាប្រមុខដឹកនាំ មាន​ចក្ខុវិស័យ និងថ្នត់គំនិតដ៏​ឈ្លាសវៃក្នុងអភិវឌ្ឍន៍បច្ចុប្បន្ននេះ ។

ក្រុម​និស្សិត​ បានសម្ដែងការសប្បាយចិត្ត​ បន្ទាប់​ពី​រាជរដ្ឋាភិបាលបានបើកប្រទេសដំណើការ​ឡើង​វិញ​ក្រោយ​ពី​វិបត្ដិកូវីដ-១៩​ ហើយសូមថ្លែងអំណរគុណដល់សម្ដេចតេជោ​ ហ៊ុន សែន នាយករដ្ឋមន្ដ្រី​នៃកម្ពុជា​ដែលជា​មគ្គុទ្ទេសក៍​ឯក​ជា​ទី​គោរព​របស់​យុវជនសម័យទំនើបនេះ ។​​

សូមបញ្ជាក់ថា ដំណើរបេសកកម្មសិក្សារបស់​ក្រុមនិស្សិតអាហារូបករណ៍របស់សម្ដេចតេជោ ហ៊ុន សែន​ និងសម្ដេចកិត្តិព្រឹទ្ធបណ្ឌិតប៊ុន រ៉ានីហ៊ុន សែន ​នៃវិទ្យាស្ថានខ្មែរជំនាន់ថ្មី មានរយៈពេល៣ថ្ងៃ​ចាប់​ពីថ្ងៃទី២៧-២៩ ខែឧសភា ​ឆ្នាំ២០២២​ ដើម្បីឱ្យស្គាល់​នូវតម្លៃនៃការ​គ្រប់គ្រង់,វប្បធម៌,បេតិកភណ្ឌ, ប្រវត្តិសាស្ត្រ និងតម្លៃ ​ស្ថាបត្យកម្ម នៅទឹកដីប្រវត្តិសាស្ដ្រប្រាសាទអង្គរវត្ត ​ខេត្តសៀមរាប៕ អត្ថបទ៖ សាវី