សហរដ្ឋអាមេរិក៖ ក្មេងស្រីអាយុ ១១ឆ្នាំម្នាក់បានរួចជីវិតពីការបាញ់ប្រហារនៅសាលារៀនទីក្រុង Uvalde រដ្ឋតិចសាស់ ដែលនាងបានយកឈាមមិត្តរួមថ្នាក់ដែលបានស្លាប់ មកលាបលើខ្លួនរបស់នាងក្នុងបំណងគេចពីខ្មាន់កាំភ្លើង។
ក្មេងស្រី Miah Cerrillo បាននិយាយទៅកាន់សារព័ត៌មាន CNN ថា នាង និងមិត្តម្នាក់ទៀតបានប្រើប្រាស់ទូរស័ព្ទរបស់គ្រូបង្រៀនដែលបានស្លាប់ដើម្បីហៅរកជំនួយ ខណៈអ្នកបាញ់ប្រហារអាយុ ១៨ឆ្នាំបានបាញ់រះមកលើសិស្ស និងគ្រូបង្រៀននៅសាលារបស់នាងក្នុងរដ្ឋតិចសាស់។ ភស្តុតាងដំបូងលេចចេញពីខាងក្នុងសាលាបឋមសិក្សា Robb ក្នុងទីក្រុង Uvalde ជាកន្លែងដែលខ្មាន់កាំភ្លើង Salvador Ramos បានបាញ់សម្លាប់កុមារ ១៩នាក់ និងគ្រូបង្រៀន ២នាក់ក្នុងការបាញ់ប្រហារឃោរឃៅបំផុតមួយផ្សេងទៀតនៅសហរដ្ឋអាមេរិក៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
