ឧត្តរមានជ័យ៖ នៅថ្ងៃទី៣០ឧសភាឆ្នាំ២០២២ ក្រុមការងារបច្ចេកទេសមន្ទីរធនធានទឹកនិងឧតុនិយម ខេត្តឧត្តរមានជ័យ ចុះធ្វើការជួសជុលស្ថាបនាកែលំម្អរប្រព័ន្ធធារាសាស្រ្តទំនប់ទឹកជុំ ស្ថិតនៅចំណុចឃុំគោកមន ស្រុកបន្ទាយអំពិល ខេត្តឧត្តរមានជ័យ ដើម្បីបង្កទប់ស្កាត់ការបាក់ស្រុតផ្សេងៗ ដែលបង្កឡើងដោយសារទឹកភ្លៀង ។

លោក ញឺន កួន ប្រធានមន្ទីរធនធានទឹកនិងឧត្តុនិយម ខេត្តឧត្តរមានជ័យ បានបញ្ជាក់ថា ដោយសារកន្លងទំនប់ប្រពន្ធធារាសាស្រ្តទឹកជុំនេះ គឺបានរងការខូចខាត​ជ្រាំង​ទំនប់​នឹងផ្លូវលើខ្នងទំនប់ខ្លះៗ​ដោយសារទឹកភ្លៀង​ ដែលជាបញ្ហាប្រឈមក្នុងការជួសជុល​កែ​លំម្អរប្រព័ន្ធធារាសាស្រ្តនេះ ឲ្យមានភាពល្អប្រសើរឡើងវិញ ដើម្បីជាប្រយោជន៍​ដល់ប្រជាពលរដ្ឋក្នុងការទប់ប្រភពទឹកប្រើប្រាស់ធ្វើកសិកម្ម។

លោក បន្តថា ប្រព័ន្ធធារាសាស្រ្តទំនប់ទឹកជុំនេះ​មានលទ្ធភាពអាចធ្វើការស្រោចស្រព​លើផ្ទៃដី​ស្រូវវស្សារបស់ប្រជាកសិករបានរហូតដល់ចំនួន​ ១២០៩ហិកតា​ និងស្រូវរដូវប្រាំងចំនួន ៣៥០ហិកតាផងដែរ៕អត្ថបទ៖ ឃិន សារិទ្ធ