កំពង់ចាម៖ ប្រជាពលរដ្ឋ ក្នុងឃុំកោះមិត្ត ស្រុកកំពង់សៀម ខេត្តកំពង់ចាម បានអះអាងថា នឹងនៅតែបោះឆ្នោតគាំទ្រគណបក្សប្រជានកម្ពុជាបន្តទៀត ដើម្បីឱ្យមានការអភិវឌ្ឍរីកចម្រើនក្នុងមូលដ្ឋានឃុំរបស់ពួកគេបន្តទៅអនាគតទៀត។

ប្រជាពលរដ្ឋនៅក្នុងឃុំកោះមិត្ត បានមើលឃើញថា ប្រទេសជាតិ មានការអភិវឌ្ឍលើគ្រប់វិស័យ​ពីមួយ​ថ្ងៃទៅមួយថ្ងៃ ពីមួយអាណត្តិទៅមួយអាណត្តិ ​ក្រោមការដឹកនាំរបស់គណបក្សប្រជាជនកម្ពុជា បានធ្វើឲ្យកម្រិតជីវភាពប្រជាជនហក់ឡើង ​ជាពិសេសគឺគណបក្សប្រជាជនកម្ពុជា បាននាំ​មកនូវសន្តិភាព​ជូនប្រទេសជាតិ ដូច្នេះពួកគេ ​បានប្តេជ្ញាចិត្តនឹងបន្តបោះឆ្នោះជូនបក្សប្រជាជនកម្ពុជា ឱ្យដឹកនាំប្រទេសតទៅមុខទៀត។

ក្រោមដំបូលសុខសន្តិភាព ​និងប្រទេសជាតិកំពុងមានការអភិវឌ្ឍលើគ្រប់វិស័យ ក្នុងឃុំកោះមិត្ត​ទាំង​មូល​ ដែលពីមុនមកពិបាកទាំងផ្លូវ ភ្លើង បញ្ហាសុខភាព​ ជាដើម ​ពេលនេះកំពុងមានការអភិវឌ្ឍ មាន​ផ្លូវបេតុង ខ្វាត់ខ្វែង ស្ពាន សាលារៀន ​ប្រព័ន្ធភ្លើង​ និងទឹកស្អាតទៀតផង ដែល​ធ្វើ​ឲ្យជីវភាព​របស់គ្រួសារនីមួយៗ​តាមភូមិមានលក្ខណៈធូរធារជាងមុន៕ អត្ថបទ៖ ថុង សីហា