​បាល់ទាត់៖ ​ខ្សែការពារ​វ័យ​ចំណាស់​អ៊ីតាលី Giorgio Chiellini បាន​លា​អ្នកគាំទ្រ​របស់ខ្លួន​ក្រោយ​ការប្រកួត​ទល់នឹង​អា​ហ្ស​ង់​ទីនយប់មិញ ដែលជា​ការប្រកួត​ចុងក្រោយ​របស់គេ​នៅ​ក្រុម​ជំរើសជាតិ​។

​​ខ្សែការពារ​កណ្តា​លវ័យ ៣៧ឆ្នាំ​រូបនេះ​បានប្រកាស​ពី​ការសំរេចចិត្ត​ចូលនិវត្តន៍ ​ពី​ក្រុម​ជំរើសជាតិ​អ៊ីតាលី​តាំងពី​ដើមឆ្នាំ​ម្ល៉េះ រង់ចាំតែ​ការប្រកួត​ចុងក្រោយ​យប់មិញ​នេះ​ទេ ដែល​អ៊ីតាលី​ចាញ់​អា​ហ្ស​ង់​ទីន​ក្នុងជំនួប Finalissima រវាង​ក្រុម​ជើងឯក​អាមេរិក​ខាងត្បូង និង​អឺរ៉ុប​នៅលើ​ទឹកដី Wembley ចក្រភព​អង់គ្លេស​។ ​​ត្រូវបាន​កោះហៅ​ចូល​ក្រុម​ជំរើសជាតិ​អ៊ីតាលី​ដំបូង​នៅ​ឆ្នាំ២០០៤, Giorgio Chiellini ឈរ​លេខ៥ ក្នុង​តារាង​កីឡាករ​បង្ហាញខ្លួន​បាន​ច្រើនជាងគេ​ឱ្យ​ក្រុម​ជំរើសជាតិ​ស្មើនឹង Andrea Pirlo​។​

​​ក្រៅពី​ការចូលនិវត្តន៍​ពី​ក្រុម​ជំរើសជាតិ​អ៊ីតាលី Chiellini ក៏បាន​ចាក​ចេញពី​ក្លិប​សេះបង្កង់ Juventus ផងដែរ​ក្រោយ​បញ្ចប់​រដូវ​កាល​កន្លងមកនេះ​ក្រោយ​ចំណាយពេល​អស់ ១៧ឆ្នាំ ឈ្នះ​ជើងឯក​លី​គ​កំពូល​អ៊ីតាលី Serie A ៩លើក​ជាមួយ Juventus ក៏ដូចជា Coppa Italia ៥លើក​តាំងពី​ផ្លាស់​ពី Fiorentina នៅ​ឆ្នាំ២០០៥៕

​អត្ថបទ​៖​នាង សុភា​វុ​ធ