ប៉ៃលិន៖ បុរសជនជាតិអាមេរិកកាំងម្នាក់ ឈ្មោះ Richardson ដែលជាគ្រូបង្រៀនម្នាក់ និងបានរស់នៅក្នុងប្រទេសកម្ពុជាជាច្រើនឆ្នាំមកហើយនោះ និងមានសញ្ជាតិខ្មែរផងដែរ បាសម្ដែងនូវការពេញចិត្តចំពោះការ ដឹកនាំរបស់គណបក្សប្រជាជនកម្ពុជា ដែលបានធ្វើឱ្យប្រទេសកម្ពុជា មានការអភិវឌ្ឍរីកចម្រើនលើគ្រប់វិ ស័យ និងគ្រប់ទិសទីក្នុងប្រទេស។

លោក Richardson នៅថ្ងៃនេះ ដែលជាថ្ងៃឃោសនាបោះឆ្នោតចុងក្រោយ បានធ្វើដំណើរទៅកាន់ ខេត្តប៉ៃលិន ហើយបានកោតសរសើរចំពោះការអភិវឌ្ឍន៍រីកចម្រើនច្រើន ខុសពីពេលដែលលោកទៅកាលពី២២ឆ្នាំមុននេះ ក្រោមការដឹកនាំរបស់គណបក្សប្រជាជនកម្ពុជា ពិសេសសម្តេចតេជោ ហ៊ុន សែន ។

លោក Richardson បានសំដែងនូវទស្សនៈផ្ទាល់ខ្លួនថា កាលពីមុន ខេត្តនេះ គឺជាខេត្តមួយ ដែលពុំមិនមានផ្លូវធ្វើដំណើរស្រួលនោះទេ និងត្រូវចំណាយពេលយូរទម្រាំទៅដល់ ប៉ុន្តែឥឡូវ ប៉ៃលិន គឺធ្វើដំ ណើរមិនយូរនោះទេ គឺដល់ហើយ និងមានការអភិវឌ្ឍរីកចម្រើនច្រើនគួឲ្យគាត់សម្គាល់ ។

លោកបានបញ្ជាក់ថា ការរីកចម្រើន និងអភិវឌ្ឍនេះ ដោយតែប្រទេសកម្ពុជា មានសុខសន្តិភាព ក្រោមការដឹកនាំរបស់គណបក្សប្រជាជនកម្ពុជា ដែលបានមកពីនយោបាយឈ្នះៗ របស់សម្តេចតេជោ ហ៊ុន សែន។

លោកបានបញ្ជាក់ថា សម្តេចតេជោ ហ៊ុន សែន ប្រធានគណបក្សប្រជាជនកម្ពុជា គឺបានលះបង់នូវសាច់ស្រស់ ឈាមស្រស់ ដើម្បីរកសុខសន្តិភាពជូនប្រទេស និងប្រជាជនកម្ពុជា។ ដោយមើលឃើញពីការដឹកនាំរបស់គណបក្សប្រជាជនកម្ពុជា លោកស័្មគ្រចិត្តបោះឆ្នោតជូនគណបក្សប្រជាជនកម្ពុជាផងដែរ៕ អត្ថបទ៖ វ៉ាន់