​បាល់ទាត់៖ ​ក្លិប​បាល់ទាត់​ហង្ស​ក្រហម Liverpool ត្រូវបាន​គេ​ដឹងថា ​ឈានដល់​កិច្ចព្រមព្រៀង​ផ្ទាល់​ខ្លួន​ហើយ​ជាមួយ​ខ្សែប្រយុទ្ធ​អ៊ុយ​រូ​ហ្កា​យ Darwin Nunez ជាមួយនឹង​កិច្ចសន្យា ៥ឆ្នាំ​។ ​តម្លៃ​នៃ​ការផ្ទេរ​នោះ​គឺ​ក្នុង​រង្វង់ ៦០លាន​ផោន នេះ​បើតាម​ការបញ្ជាក់​របស់​សារព័ត៌មាន​អង់គ្លេស​មួយ​។

​​ខ្សែប្រយុទ្ធ​អ៊ុយ​រូ​ហ្កា​យ Darwin Nunez ត្រូវបាន​ដឹងថា ​ក្លិប​បាល់ទាត់​នៅ​ក្របខណ្ឌ English Premier League យ៉ាង​ហោចណាស់​បួន​កំពុង​តាម​ប្រមាញ់​។​ ​កីឡាករ​វ័យ ២២ឆ្នាំ​រូបនេះ​មាន​រដូវ​កាល​ដ៏​ជោគជ័យ​របស់ខ្លួន​កន្ល​ង​មក ​ក្រោយ​ស៊ុត​បញ្ចូល​ទី​បាន ៣៤គ្រាប់​ក្នុងការ​បង្ហាញខ្លួន​សរុប ៤១ប្រកួត​គ្រប់​ក្របខណ្ឌ​ឱ្យ Benfica ដូច្នេះ​ហាក់​មិន​ចំលែក​ឡើយ​ដែល​កីឡាករ​មកពី​តំបន់​អាមេរិក​ឡាទីន​រូបនេះ ទទួល​ការចាប់អារម្មណ៍​ពី​ក្លិប​ធំៗ​បែបនេះ​។​

​​រំលឹកថា Darwin Nunez ចាប់ផ្តើម​អាជីព​ដំបូង​នៅ​ក្លិប​អ៊ុយ​រូ​ហ្កា​យ Penarol នៅ​ឆ្នាំ២០១៧ បង្ហាញខ្លួន​បាន ១៤ប្រកួត​ស៊ុត​បាន ៤គ្រាប់​មុន​ផ្លាស់​មកកាន់​ក្លិប​អេ​ស្ប៉ា​ញ Almeria នៅ​ឆ្នាំ២០១៩ បង្ហាញខ្លួន​បាន ៣០ប្រកួត​រកបាន ១៦គ្រាប់ ទើប​ផ្លាស់​មកកាន់ Benfica នៅ​ឆ្នាំ២០២០​។ ​​Liverpool មកដល់ពេលនេះ​បានសំរេច​ក្នុងការ​នាំយក​កីឡាករ​របស់ Fulham, Fabio Carvalho រួចហើយ ស្របពេល​ខ្សែប្រយុទ្ធ​សេ​ណេ​ហ្កា​ល់ Sadio Mane នៅ​ស្រពិចស្រពិល​ពី​អនាគត​របស់ខ្លួន​នៅ Anfield នៅឡើយ​៕

​អត្ថបទ​៖​នាង សុភា​វុ​ធ