​អ៊ុយក្រែន៖ ទាហាន និង​ជន​ស៊ីវិល​អ៊ុយ​ក្រែ​ន​ដែល​រងរបួស​ កំពុង​ត្រូវបាន​នាំយកទៅ​ព្យាបាលនៅក្នុង​ទីក្រុង​មួយនៅ​ភាគ​ខាងកើត​ប្រទេស​អ៊ុយ​ក្រែ​ន ខណៈ​ការប្រយុទ្ធ​នៅតែ​បន្ត​នៅ​ទីនោះ​។​

​សមរភូមិ​ទីក្រុង Sievierodonetsk ត្រូវបាន​មើលឃើញពី​ការ​រុលទៅមុខ​មួយ​អ៊ី​ញ​ម្តងៗ ក្នុងការក្រាញននាល​ទាំងលំបាក​ដោយ​កងកម្លាំង​រុស្ស៊ី​ ខណៈ​ពួកគេ​ខិតចូល​ទៅជិត​ការគ្រប់គ្រង​តំបន់ Luhansk ទាំងមូល​ជា​តំបន់​មួយ​ក្នុងចំណោម​តំបន់​ ២ ​បង្កើតជា​តំបន់​បេះដូង​ឧស្សាហកម្ម​ដែលគេ​ស្គាល់​ថា​តំបន់ ​Donbas​។ ​គ្រូពេទ្យ​យោធា​លោក Daniel Rebar បាន​និយាយថា លោក​មកពី​សហរដ្ឋអាមេរិកដើម្បី​ជួយ​ប្រជាជន​អ៊ុយ​ក្រែ​ន ដែល​លោក​កំពុង​ជួយ​អ្នករងរបួស​នៅ​មន្ទីរពេទ្យ​មួយក្នុង​ទីក្រុង​កាលពី​ថ្ងៃ​ពុធ​។ លោក​និយាយថា ខណៈ​អ្នក​ឮ​សំឡេង​ផ្ទុះ​កាន់តែច្រើន សំឡេង​អ៊ូអរ​កាន់តែច្រើន យើង​នឹងមាន​អ្នកជំងឺ​កាន់តែច្រើន​នៅទីនេះ​។​

​បន្ទាប់ពី​ការប៉ុនប៉ង​ដើម្បី​វាយលុក​ដណ្តើមយក​ទីក្រុង Kyiv នៅ​ដើមដំបូង​នៃ​សង្គ្រាម ពេលនេះ​រុស្ស៊ីបាន​ផ្លាស់ប្តូរ​ការផ្តោត​របស់​ខ្លួន​ទៅកាន់​តំបន់អណ្តូងរ៉ែ​ធ្យូងថ្ម និងរោងចក្រ​។ តំបន់​ Donbas ត្រូវបានគ្រប់គ្រង​ដោយ​ផ្នែក​ដោយ​ក្រុម​ផ្តាច់ខ្លួន​គាំទ្រ​ដោយ​រុស្ស៊ី​ចាប់តាំងពី​ឆ្នាំ2014 ដោយ​ធ្វើឱ្យ​ផ្គត់ផ្គង់កាន់តែ​តិច និង​ធ្វើឱ្យ​ទីក្រុង​មូ​ស្គូ​ដណ្តើមយក កងកម្លាំង​ផ្តាច់ខ្លួន​ទាំងនោះ​នៅក្នុង​ការ​វាយលុក​របស់ខ្លួន​នៅ​ទីនោះ​។​ ​សង្គ្រាម​ដែល​កំពុងតែ​បំផ្លាញ​បានធ្វើឱ្យ​មនុស្ស​រាប់ពាន់នាក់​ស្លាប់ និង​បាន​ជំរុញ​ឲ្យ​មនុស្ស​រាប់លាននាក់​ភៀសខ្លួន​ចេញពី​លំនៅឋាន​របស់​ពួកគេ ហើយ​ផលវិបាក​នៃ​សង្គ្រាម​ត្រូវបាន​គេ​គិត​នៅក្នុង​ប្រទេស​ជាច្រើន​ថា ​វា​កំពុង​ជំរុញ​ឱ្យ​តម្លៃ​អាហារ​កើនឡើង​ចាប់តាំងពី​ការនាំចេញ​គ្រាប់​ធញ្ញជាតិ​សំខាន់ៗ របស់​អ៊ុយ​ក្រែ​ន​បាន​ជាប់គាំង​នៅ​ខាងក្នុង​ប្រទេស៕

អត្ថបទ៖ ប៊ុនថន