អ៊ុយក្រែន៖ ទុក្ខលំបាករបស់ជនស៊ីវិលនៅក្នុងសង្គ្រាមមិនបានបង្ហាញសញ្ញាអន់ថយឡើយ ខណៈកងកម្លាំងរុស្ស៊ីបានបាញ់ផ្លោងមកលើទីក្រុងនានានៅភាគខាងកើតប្រទេសអ៊ុយក្រែន។
បន្ទាប់ពីការបរាជ័យជាបន្តបន្ទាប់នៅក្នុងសង្គ្រាមរយៈពេលជាង 3ខែមកនេះ ប្រទេសរុស្ស៊ីបានកំណត់គោលដៅរបស់ខ្លួនលើតំបន់ឧស្សាហកម្ម Donbas ដែលមានអណ្តូងរ៉ែធ្យូងថ្ម និងរោងចក្រ ជាកន្លែងដែលក្រុមផ្តាច់ខ្លួនគាំទ្រដោយទីក្រុងមូស្គូ បានប្រយុទ្ធជាមួយកងទ័ពអ៊ុយក្រែនអស់រយៈពេលជាច្រើនឆ្នាំ និងនៅទីតាំងដែលពួកគេបានគ្រប់គ្រងរួចហើយកាលពីមុនពេលការវាយលុករបស់រុស្ស៊ី។ កាលពីថ្ងៃព្រហស្បតិ៍ អគ្គលេខាធិការរងនៃសហព័ន្ធកាកបាទក្រហមអន្តរជាតិ បានសុំអង្វរដល់កងកម្លាំងរុស្ស៊ីអនុញ្ញាតឱ្យមានការផ្គត់ផ្គង់ ផ្នែកវេជ្ជសាស្ត្រចូលទៅក្នុងតំបន់ដែលហ៊ុមព័ទ្ធ ព្រោះមានការព្រួយបារម្ភថា ប្រជាជនកាត់ផ្តាច់ពីអនាម័យជាមូលដ្ឋាន ទឹក និងថ្នាំពេទ្យនឹងមានហានិភ័យខ្ពស់នៃជំងឺ។
ការរួមបញ្ចូលគ្នានៃប្រព័ន្ធសុខភាព ប្រព័ន្ធទឹក បញ្ហាសុខភាពផ្លូវចិត្តនៅទីនោះនឹងកាន់តែបង្កឲ្យមានវិបត្តិសង្គម និងសេដ្ឋកិច្ចនៅក្នុងតំបន់ ដូច្នេះការបង្កើនកម្រិតនៃភាពងាយរងគ្រោះ ជារួមយើងចាំបាច់ត្រូវដោះស្រាយកាន់តែច្រើនឡើងៗក្នុងប៉ុន្មានខែខាងមុខ៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
