បាត់ដំបង៖ ឯកឧត្តមបណ្ឌិត ប៊ុត គឹមស៊ាន ប្រធានគណៈកម្មាធិការសាខាខេត្ត នៅព្រឹកថ្ងៃទី២៤ ខែមីនា ឆ្នាំ២០២១ នេះ បានចាត់តាំងក្រុមប្រតិបត្តិសាខា ដឹកនាំដោយ លោក យ៉ាន ឧត្តម នាយករងសាខា និងសហការី បានចុះពិនិត្យការងារ​សាង​សងផ្ទះ ជូន​ទុរគតចំនួន ២គ្រួសារ ក្នុងចំណោម ៣គ្រួសារ ដែលក្នុង០១ខ្នងមានទំហំ(៥ម៉ែត្រx៧ម៉ែត្រ) តសំយាបក្រោយទំហំ(១.៨០ម៉ែត្រx៧ម៉ែត្រ)ធ្វើអំពីដែកសរសរបេតុងប្រក់ស័ង្កសី និងជញ្ជាំងស្មាតបត ដែលជាអំណោយដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជារួមមាន៖ ​ទី១-លោកតា ហិត ហើយ អាយុ ៥៨ឆ្នាំពិការភ្នែកទាំង២អតីតជានិវត្តន៍ជនប្រពន្ធឈ្មោះ ហើយ រស់ អាយុ ៧៤ឆ្នាំ មានជំងឺប្រចាំកាយរស់ក្នុងភូមិតាខោឃុំព្រះផុសស្រុកគាស់ក្រឡខេត្តបាត់ដំបង​។​

ទី២. លោកស្រី ព្រួញ ស៊ុត អាយុ ៤៥ឆ្នាំ ជាស្ត្រីមេម៉ា(កម្មការសំណង់)មានកូន ០៣នាក់ ជាមួយពុកម្តាយក្មេករស់នៅភូមិអ្នកតាទ្វា ឃុំឬស្សីក្រាំង ស្រុកមោងឬស្សី ដោយឡែកលោកយាយ ចិន យ៉េម អាយុ ៩១ឆ្នាំ ពិការភ្នែក រស់នៅជាមួយកូនស្រីស្ថិតនៅភូមិអង្គ្រង់ ឃុំជ្រៃ ស្រុកមោងឬស្សី ក្រុមការងារពុំបានសាងសងផ្ទះជូននោះទេ ដោយមូលហេតុគ្មានដី​សម្រាប់សាងសងផ្ទះ​។ ផ្ទះទាំង ២ខ្នងនេះ សាងសងដោយក្រុមការងារសមាគមនអតីតយុទ្ធជនកម្ពុជាខេត្តបាត់ដំបង ដឹកនាំដោយលោកឧត្តមសេនីយ៍ត្រី មាស សុវណ្ណ មេបញ្ជាការកងរាជអាវុធហត្ថខេត្តបាត់ដំបង ក្រោយពីក្រោមការងារបានចុះពិនិត្យផ្ទះទាំង ០២ខ្នងខាងលើក បានសាងសងចប់១០០% រង់ចាំសុំគោលការណ៍ និងពេលវេលារៀបចំពិធីប្រគល់ទទួលតែប៉ុណ្ណោះ៕