​NATO៖ អគ្គលេខាធិការ​សម្ព័ន្ធ​យោធា​ណា​តូ​លោក Jens Stoltenberg បាន​និយាយ​កាលពី​ថ្ងៃអាទិត្យ​ថា សម្ព័ន្ធ​យោធា​ដឹកនាំ​ដោយ​សហរដ្ឋអាមេរិក​មាន​បំណង​ពង្រឹង​ជំហរ​អ៊ុយ​ក្រែ​ន​នៅ​តុ​ចរចា ប៉ុន្តែ​បាន​បន្ថែម​ថា ​កិច្ចព្រមព្រៀង​ណា​មួយ​​ត្រូវ​តែ​មាន​ការ​សម្រប​សម្រួល រួមទាំង​កា​រសម្រេច​ចិត្ត​កាត់​ទឹកដី​ឲ្យ​រុស្ស៊ី​។​

​លោក Stoltenberg បាន​និយាយ​នៅ​ឯ​វេទិកា​ពិភាក្សា​នៅ​វិមាន Kultaranta ​ក្នុង​ប្រទេស​ហ្វាំ​ង​ឡង់ ក្រោយ​ជំនួប​ជាមួយ​ប្រធានាធិបតី​ហ្វាំ​ង​ឡង់​លោក Sauli Niinisto។ ខណៈដែល​ប្រមុខ​សម្ព័ន្ធ​យោធា​ណា​តូ​និយាយថា លោកខាងលិច​មានបំណង​លះបង់ដើម្បី​ពង្រឹងសមត្ថភាព​យោធា​អ៊ុយ​ក្រែ​ន ក្រុង Kiev នឹង​ត្រូវតែ​ធ្វើ​សម្បទាន​ទឹកដី​មួយ​ចំនួន​ឲ្យ​ទៅ​ក្រុង Moscow ដើម្បី​បញ្ចប់​ជម្លោះ​បច្ចុប្បន្ន​នេះ​។ លោក​ថា សន្តិភាព​អាច​កើតមាន​បាន​។ សំណួរ​តែមួយគត់​គឺថា តើ​អ្នក​ហ៊ាន​លះបង់​ច្រើន​ប៉ុណ្ណា​ដើម្បី​ប្ដូរ​យក​សន្តិភាព​? តែ​ត្រូវ​ចំណាយ​ទឹកដី​ច្រើន​ប៉ុណ្ណា តើ​ឯករាជ្យ​ច្រើន​ប៉ុណ្ណា តើ​អធិបតេយ្យភាព​ច្រើន​កម្រិត​ណា តើ​អ្នកមាន​ឆន្ទៈ​លះបង់​ដើម្បី​សន្តិភាព​ឬទេ​៕

អត្ថបទ៖ សុខមាន