ភ្នំពេញ៖ ដើម្បីទប់ស្កាត់ការវាយការលុកពីជំងឺកូវីដ-១៩ និងធានានិរន្តរភាពការរស់នៅធម្មតាជាមួយជំងឺកូវីដ-១៩ មន្រ្តី និងបុគ្គលិកបំពេញការងារស្ថាប័នរដ្ឋ និងឯកជន នៅថ្ងៃទី១៣ ខែមិថុនានេះ សម្រុកទៅចាក់វ៉ាក់ សាំងដូសទី៥ តាមការកំណត់របស់គ្រូពេទ្យ។

មន្រ្តី និងបុគ្គលិកបំពេញការងារស្ថាប័នរដ្ឋ និងឯកជន ដែលចូលចាក់វ៉ាក់សាំងក្នុងមណ្ឌលសុខ ភាពផ្សារដើមថ្កូវ រាជធានីភ្នំពេញ​ នៅថ្ងៃនេះ បានប្រាប់BTVឲ្យដឹងថា ការចាក់វ៉ាក់សាំងពិត​ជា​មានសារសំ ខាន់ ព្រោះអាចទប់ទល់នឹងការវាយលុកពីជំងឺកូវីដ និងមិនចង់ឲ្យប្រទេសកម្ពុជា​មានការរីករាលដាលជំងឺ កូវីដ-១៩ ដូចកាលឆ្នាំមុន ពិបាករស់នៅណាស់។បន្ទាប់ពីចាក់​វ៉ាក់សាំង​ដូសទី៥រួច សុខភាពធម្មតា មិន បង្ករផលបះពាល់អ្វីនោះទេ។

លើសពីនេះ ពួកគេបានអំពាវនាវដល់ពលរដ្ឋ ឱ្យបន្តទៅទទួលការចាក់វ៉ាក់ ​សាំងតាមវេន ដែល​បានកំណត់ ​និងអគុណដល់រាជរដ្ឋាភិបាល ​ដែលស្វះស្វែងរកវ៉ាក់សាំងចាក់ជូនពលរដ្ឋ ដោយ​មិនគិតថ្លៃ។

យុទ្ធនាការចាក់វ៉ាក់សាំងបង្ការជំងឺកូវីដ-១៩ ដូសទី៥ ជូនមន្រ្តីជួរមុខ និងក្រុមគោលដៅអាទិភាព ចាប់​ដំណើរការពីថ្ងៃទី០៩ ខែមិថុនាតទៅ ស្ថិតនៅទីតាំងសុខាភិបាលសាធារណៈ និងទីតាំងផ្សេងៗ​មួយ ចំនួនទៀតក្នុងសហគមន៍​ ដែលការ​សម្របសម្រួល​ពីអាជ្ញាធរមូលដ្ឋាន។

របាយការណ៍របស់គណៈកម្មការចំពោះកិច្ចចាក់វ៉ាក់សាំងបង្ការជំងឺកូវីដ-១៩ ​បានបង្ហាញថា គិត្រឹម ថ្ងៃទី១២ ​ខែមិថុនា នេះ មន្រ្តីជួរមុខ ​និងក្រុមគោលដៅអាទិភាព​ ជាង១ម៉ឺននាក់ ​នៅភ្នំពេញ ទទួល​បានការ ចាក់វ៉ាក់សាំងបង្ការជំងឺកូវីដ-១៩ ដូសទី៥ រួចរាល់៕ អត្ថបទ៖ ទូច សោភ័ណ