អូស្ត្រាលី សន្យាបន្តគាំទ្រដល់ការងារបោសសំអាតមីន នៅកម្ពុជា

2022/06/13 07:44:31 pm        348

ភ្នំពេញ៖ លោកជំទាវ Kathryn Campbell រដ្ឋលេខាធិការនៃក្រសួងការបរទេស និងពាណិជ្ជកម្មអូស្ត្រាលី បានសន្យាថា នឹងបន្តគាំទ្រដល់ការងារបោសសំអាតមីន និងគ្រាប់យុទ្ធភ័ណ្ឌមិនទាន់ផ្ទុះនៅកម្ពុជា ខណៈអូស្ត្រាលី គឺជាម្ចាស់ជំនួយដ៏សំខាន់មួយផងដែរ លើការងារនេះជិត ៣០ឆ្នាំមកហើយ ។

ក្នុងជំនួបពិភាក្សាស្តីពី ភាពជាដៃគូ និងកិច្ចសហប្រតិបត្តិការពាក់ព័ន្ធនឹងវិស័យសកម្មភាពមីន ជាមួយឯកឧត្តមទេសរដ្ឋមន្ត្រី លី ធុជ អនុប្រធានទី១ អាជ្ញាធរមីនកម្ពុជា នៅរសៀលថ្ងៃទី១៣ ខែមិថុនា ឆ្នាំ២០២២ លោកជំទាវ Kathryn Campbell បានបង្ហាញនូវការកោតសរសើរ និងវាយតម្លៃខ្ពស់ចំពោះ ការសម្រេចបាននៃការងារបោសសម្អាតមីននៅកម្ពុជា ។

លោកជំទាវ បានបន្ថែមថា នឹងបន្តគាំទ្រដល់ការងារបោសសម្អាតមីននៅកម្ពុជា ព្រមទាំងនាំយកសំណើស្នើសុំ និងលទ្ធផលនៃកិច្ចប្រជុំ ជាមួយឯកឧត្តម លី ធុជ ជម្រាបទៅកាន់រដ្ឋាភិបាលអូស្រ្តាលីផងដែរ ។

ក្នុងឱកាសនោះ ឯកឧត្តម លី ធុជ មានប្រសាសន៍ថា សូមថ្លែងអំណរគុណចំពោះរដ្ឋាភិបាល និងប្រជាជនអូស្រ្តាលី ដែលជួយគាំទ្រដល់វិស័យសកម្មភាពមីនមនុស្សធម៌នៅកម្ពុជា តាំងពីឆ្នាំ១៩៩៤ និងក្រោយមកបានចូលរួមគាំទ្រដល់គម្រោងបោសសម្អាតមីន ចាប់តាំងពីឆ្នាំ២០០៦ ដោយផ្តល់ដីមានសុវត្ថិភាព និងបានជួយសង្រ្គោះដល់អាយុជីវិតបានជាច្រើនលាននាក់ឲ្យរួចផុតពីគ្រោះថ្នាក់ដោយមីន និងសំណល់ជាតិផ្ទុះពីសង្រ្គាម ។ 

ឯកឧត្តមបន្តថា សមិទ្ធផលរយ:ពេល ៣០ឆ្នាំ ចាប់តាំងពីឆ្នាំ១៩៩២ នៃការចាប់ផ្តើមកម្មវិធីសកម្មភាពមីនមនុស្សធម៌នៅកម្ពុជា ក្រោមកិច្ចខិតខំរបស់រាជរដ្ឋាភិបាលកម្ពុជា និងមានការចូលរួមរបស់ប្រទេសម្ចាស់ និងដៃគូអភិវឌ្ឍន៍ ក្នុងនោះប្រទេសអូស្រ្តាលីគឺជាដៃគូដ៏លេចធ្លោ និងរឹងមាំសម្រាប់វិស័យសកម្មភាពមីននៅកម្ពុជា ។ 

ឯកឧត្តមទេសរដ្ឋមន្ត្រី បន្ថែមថា ជាមួយនឹងសមិទ្ធផលទាំងនេះ កម្ពុជាបានដាក់ចេញនូវចក្ខុវិស័យយ៉ាងច្បាស់លាស់ ដោយកំណត់គោលដៅកម្ពុជាគ្មានមីនឆ្នាំ២០២៥ និងដើម្បីសម្រេចគោលដៅនេះ កម្ពុជាត្រូវការបោសសម្អាតមីនលើផ្ទៃដីប្រមាណ ១៦០គីឡូម៉ែត្រក្រឡា ក្នុងមួយឆ្នាំ ប៉ុន្តែបច្ចុប្បន្ននេះ កម្ពុជាអាចមានលទ្ធភាពបោសសម្អាតបានត្រឹមតែពី ៩០ទៅ១០០គីឡូម៉ែត្រក្រឡាប៉ុណ្ណោះ ដោយក្នុងនាមរាជរដ្ឋាភិបាល និងប្រជាជនកម្ពុជា ឯកឧត្តម បានស្នើរដ្ឋាភិបាលអូស្ត្រាលី បន្តជួយគាំទ្រដល់ការងារបោសសម្អាតមីន រហូតដល់កំទេចគ្រាប់មីនចុងក្រោយ នៅកម្ពុជា ទោះបីកម្ពុជាមិនបានសម្រេចគោលដៅឆ្នាំ២០២៥ ក៏ដោយ ៕ អត្ថបទ ៖ បាន សុខរិទ្ធិ


អត្ថបទដែលទាក់ទង

ក្រសួងយុត្តិធម៌ចុះអនុស្សរណៈជាមួយការិយាល័យមេធាវីអាមេរិក លើការ «លើកកម្ពស់ចំណេះដឹងផ្នែកច្បាប់ និងការប្រើប្រាស់បណ្ណាល័យច្បាប់អេឡិចត្រូវនិច»
2023/01/27 04:48:14 pm        1
សមាជិកក្លឹបអ្នកកាសែតជិត ៣០០ នាក់ចូលរួមបោះឆ្នោតជ្រើសរើសគណៈកម្មាធិការនាយកអាណត្តិទី៧ (២០២៣-២០២៦)
2023/01/27 04:34:21 pm        1
កិច្ចប្រជុំក្រុមប្រឹក្សាបច្ចេកទេសអាជ្ញាធរជាតិប្រយុទ្ធ នឹងជំងឺអេដស៍លើកទី១ ឆ្នាំ២០២៣ សិក្សាអំពីលទ្ធភាពផ្តល់បណ្ណសមធម៌ និងបណ្ណ ប.ស.ស ដល់ក្រុមប្រជាជនគន្លឹះ
2023/01/27 01:22:55 pm        1

បណ្ដាញសង្គម

ព័ត៌មានចុងក្រោយ

​ក្រសួងយុត្តិធម៌ចុះអនុស្សរណៈជាមួយការិយាល័យមេធាវីអាមេរិក លើការ «លើកកម្ពស់ចំណេះដឹងផ្នែកច្បាប់ និងការប្រើប្រាស់បណ្ណាល័យច្បាប់អេឡិចត្រូវនិច»

2023/01/27 04:48:14 pm
​សមាជិកក្លឹបអ្នកកាសែតជិត ៣០០ នាក់ចូលរួមបោះឆ្នោតជ្រើសរើសគណៈកម្មាធិការនាយកអាណត្តិទី៧ (២០២៣-២០២៦)
2023/01/27 04:34:21 pm
​រថក្រោះ​លោក​ខាងលិច​នឹងមាន​ប្រៀប​ជាង​រថក្រោះ​របស់​រុស្ស៊ី និង​មាន​សារៈសំខាន់​សម្រាប់​ការ​វាយ​លុក​របស់​អ៊ុយ​ក្រែ​ន​
2023/01/27 03:01:22 pm
​ភាព​តានតឹង​បាន​កើនឡើង​ក្នុង​រដ្ឋធានី​ហៃ​ទី បន្ទាប់ពី​មន្ត្រី​នគរបាល​ច្រើន​នាក់​បាន​ស្លាប់​
2023/01/27 02:37:08 pm
​ក្រុម​តា​លី​បង់​នឹង​បង្កើត​ច្បាប់​ថ្មី​ស្តីពី​ការងារ​ផ្នែក​ជំនួយ​របស់​ស្ត្រី​អា​ហ្វ​ហ្គា​នី​ស្ថាន
2023/01/27 02:20:46 pm

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2023/01/27 09:34:59 am
​សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន
2023/01/27 02:35:50 am
​កម្លាំងកងរាជអាវុធហត្ថរាជធានីភ្នំពេញ ចុះឡោមព័ទ្ធសណ្ឋាគារសឹងប៉ាវឡុង និងក្លឹបកំសាន្ត នៅខណ្ឌបឹងកេងកង
2023/01/20 09:36:43 pm
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2023/01/27 10:54:17 am
​កម្ពុជារកឃើញអូមីក្រុងបំប្លែងថ្មី ប្រភេទ BA4 និង BA5 មានលទ្ធភាពឆ្លងលឿន
2023/01/27 04:43:28 pm

ព័ត៌មានវីដេអូ

​រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

2022/10/14 08:38:02 am
សម្តេចតេជោ ហ៊ុន សែន អញ្ជើញទទួលទានអាហារពេលព្រឹក ជាមួយប្រធានរដ្ឋវៀតណាម
2022/09/27 09:16:39 am
ប្រសាសន៍សំខាន់ៗរបស់សម្តេចតេជោ ក្នុងពិធីជួបសំណេះសំណាលជាមួយប្រតិភូ​កីឡា​អាស៊ានប៉ារ៉ាហ្គេម
2022/07/06 10:23:47 am
សម្ដេចតេជោណែនាំឱ្យមាតាបិតាអាណាព្យាបាលសិស្សកុំវាយតម្លៃកូនខ្លួនឯងប្រៀបធៀបជាមួយកូនអ្នកដទៃ
2022/05/03 05:09:51 am
ឯកឧត្ដម ហ៊ុន ម៉ាណែត លើកឡើងថា គ្រូបង្រៀនជាអ្នកដែលសម្បូរទៅដោយគំនិត ចំណេះ និងគុណធម៌ខ្ពស់
2022/04/27 06:10:36 pm