​អ៊ុយ​ក្រែ​ន៖ ប្រធានាធិបតី​អ៊ុយ​ក្រែ​ន​លោក Volodymyr Zelenskyy កាលពី​ថ្ងៃ​ចន្ទ​បាន​និយាយថា កងកម្លាំងអ៊ុយ​ក្រែ​នបាន​បណ្តេញ​រុស្ស៊ី​ចេញពី​ទីតាំង​ទីលំនៅ​ឋាន​ជាង 1,000​កន្លែងចាប់តាំងពី​ជម្លោះ​បានចាប់ផ្តើម ហើយនឹង​រំដោះទឹកដីដែល​ត្រូវបាន​ដណ្តើម​កាន់កាប់​ទាំងអស់​មកវិញ​ រួមទាំង​តំបន់​គ្រី​មៀដែល​រុស្ស៊ី​បានដាក់​បញ្ចូល​ជា​ឧបសម្ព័ន្ធ​ក្នុង​ឆ្នាំ2014។

នៅក្នុង​វីដេអូលោក ​Zelenskyy បាន​និយាយថា ការប្រយុទ្ធ​នៅ​តំបន់ Donbas នឹង​ក្លាយជា​អំពើ​ឃោរឃៅ​បំផុត​មួយ​នៅក្នុង​ប្រវត្តិសាស្ត្រ​អឺរ៉ុប​។ លោក​បាន​បន្តថា តម្លៃ​នៃ​ការខាតបង់​នៅ​សមរភូមិ​នេះ​សម្រាប់​យើង​គឺ​ខ្ពស់​ណាស់​។ វា​ជា​រឿង​ដ៏​គួរឱ្យ​រន្ធត់​។ យើង​គ្មាន​ជម្រើស​អ្វី​នោះទេ​ក្រៅពី​បន្ត​ទៅមុខ ដើម្បី​រំដោះទឹកដី​ទាំងមូល​របស់​យើង និងបណ្តេញអ្នក​ដណ្តើម​កាន់កាប់​ចេញពី​គ្រប់​តំបន់​របស់​យើង​។​ ​លោក Zelenskyy បាន​និយាយ​ក្នុងអំឡុងពេល​សុន្ទរកថារបស់លោកថា កុមារ​ដែលបាន​ស្លាប់ដោយសារតែ​ការវាយប្រហារ​របស់​រុស្ស៊ីសរុប​កើន​ឡើងដល់ 287​នាក់ ហើយ​ចំនួន​នឹង​កើនឡើងបន្ថែមទៀត​ដោយសារតែ​ជោគវាសនា​របស់​អ្នក​ ដែល​ស្ថិតនៅក្រោមការគ្រប់គ្រង​របស់​រុស្ស៊ី​មិន​នៅត្រូវ​បានដឹង​ពេញលេញ​នោះទេ​។ លោក Zelenskyy បាន​និយាយថា រុស្ស៊ី​នៅតែ​បន្ត​សម្លាប់ និង​ធ្វើ​ទារុណកម្ម ដែល​បាន​បង្កើត​ជំរំ​នៅក្នុង​ទឹកដី​ដែល​ខ្លួន​បាន​កាន់កាប់៕

អត្ថបទ៖ ប៊ុនថន