​អ៊ុយក្រែន៖ មន្ត្រី​យោធា​ជាន់ខ្ពស់​ម្នាក់​នៅក្នុង​ជួរ​កងកម្លាំង​ផ្តាច់ខ្លួន​គាំទ្រ​ដោយ​រុស្ស៊ី​ នៅ​ភាគ​ខាង​កើត​ប្រទេស​អ៊ុយ​ក្រែ​ន​បាន​អះអាង​កាលពី​ថ្ងៃ​ចន្ទ​ថា ទីក្រុង Sievierodonetsk បច្ចុប្បន្ននេះ​ត្រូវបាន​វាយ​បែក ហើយ​ក្រុម​យុទ្ធជន​អ៊ុយ​ក្រែ​ន​គ្មាន​ជម្រើស​ក្រៅពី​ការចុះចាញ់​នោះទេ​។

​លោក Eduard Basurin អនុប្រធាន​កងជីវពល​ប្រជាជន​នៃ​សាធារណរដ្ឋ​ប្រជាមានិត Donetsk (DPR) បាន​និយាយ​ថា ​ទីក្រុង ​Sievierodonetsk ពិតជា​ត្រូវ​បាន​រារាំង ​បន្ទាប់ពី​ពួកគេ​បាន​បំផ្ទុះ​ស្ពាន​ចុង​ក្រោយ​ដែល​ត​ភ្ជាប់​ជាមួយ​ទីក្រុង Lysychansk កាលពី​ម្សិលមិញ ដូច្នេះ​អង្គភាព​យោធា​អ៊ុយ​ក្រែ​ន​ដែល​ឈរជើង​នៅ​ទីនោះ ហើយ​នៅតែ​នៅ​ទីនោះ​ជា​រៀង​រហូត​។​ ​មនុស្ស​ជាង 10,000នាក់​នៅតែ​ស្ថិតនៅក្នុង​ទីក្រុង Sievierodonetsk ដែល​ជា​ចំណុច​ផ្តោត​សំខាន់​នៃ​ការប្រយុទ្ធ​គ្នា​នៅក្នុង​តំបន់ Donbas ជា​តំបន់​ឧស្សាហកម្ម​នៅ​ភាគ​ខាងកើត​ប្រទេស​អ៊ុយ​ក្រែ​ន​។

​លោក Basurin បាន​អះអាងថា កងទ័ព​អ៊ុយ​ក្រែ​ន​បាន​បង្កើន​ការវាយប្រហារ​លើ​កណ្តាល​ទីក្រុង Donetsk ដែល​ស្ថិតនៅ​ក្រោម​ការគ្រប់គ្រង​របស់​សាធារណរដ្ឋ​ប្រជាមានិត Donetsk បន្ទាប់ពី​បណ្តា​ប្រទេស​លោកខាងលិច​បានចាប់ផ្តើម​ផ្គត់ផ្គង់​អាវុធ​ធុន​ធ្ងន់​ដល់​អ៊ុយ​ក្រែ​ន៕

អត្ថបទ៖ ប៊ុនថន