កំពង់ធំ៖ ក្រោយសមាហរណកម្ម នៃការផ្តល់សេវាសាធារណៈជូនប្រជាពលរដ្ឋនៅថ្នាក់មូលដ្ឋាន ដល់រដ្ឋបាល ក្រុង ស្រុក នៅថ្នាក់ក្រោមជាតិ ការិយាល័យច្រកចេញចូលតែមួយ បាន និងកំពុងអនវុត្តន៍យ៉ាងសកម្មជូន ពលរដ្ឋ ទាំងសេវាតម្រូវការ និងសេវាចាំបាច់។

លោក ហៀវ ប៊ុនហេង ប្រធានការិយាល័យច្រកចញចូលតែមួយក្រុងស្ទឹងសែន ខេត្តកំពង់ធំ ប្រាប់BTV នៅថ្ងៃទី១៤ ខែមុថុនា ឆ្នាំ២០២២ ថា ក្រោយពីរាជរដ្ឋាភិបាលកម្ពុជា បានធ្វើសមាហរណកម្មនៃផ្តល់សាវាសា ធារណៈជូនប្រជាពលរដ្ឋមក មករដ្ឋបាលក្រុងស្រុករាជធានីខេត្ត , ការិយាល័យច្រកចេញចូលតែមួយ មានតួនាទីយ៉ាងសំខាន់ ក្នុងការអនុវត្តន៍ ស្របតាមការណែនាំរបស់ក្រសួងមហាផ្ទៃ។ ការអនុវត្តន៍កិច្ចការនេះ ដើម្បីបង្ខិតសេវាតម្រូវការ និងសេវាចាំបាច់ ឲ្យកាន់តែនៅជិតជាមួយប្រជាពលរដ្ឋ។ លោកបញ្ជាក់ថា នៅការិយាល័យច្រកចេញចូលតែមួយក្រុងស្ទឹងសែន បច្ចុប្បន្ន បាន និងកំពុងផ្តល់ជូនប្រជាពលរដ្ឋលើ១១ វិស័យ ចំនួន១៣សេវា មានសេវាសាធារណកា និងដឹកជញ្ជូន, នីត្យានុកូលកម្ម, វប្បធម៌ និង វិចិត្រសិល្បៈ, សំណង់, ពាណិជ្ជកម្ម, ទេសចរណ៍, កសិកម្ម, សុខាភិបាល, ការងារចាក់ដីឡូ និងខ្សាច់, ការងារឧស្សាហកម្មនិងសិប្បកម្ម, អប់រំយុវជននិងកីឡា និងការងារអត្រានុកូលដ្ឋាន។

ក្នុងរយៈពេល៦ ខែដើមឆ្នាំ២០២២នេះ ការផ្តល់សេវាមានការកើនឡើងប្រមាណ១០% ទៅ១៥% លើសេវានីត្យានុកូលកម្ម និង ការងារអត្រានុកូលដ្ឋាន។ ទន្ទឹមនិងការកើនឡើងនេះដែរ ក៏មានបញ្ហាខ្លះ ដែលប្រជាពលរដ្ឋត្អូញត្អែ ពីការខុសនៃទិន្និន័យតិចតួច។

លោកបញ្ជាក់បន្ថែមថា ជារៀងរាល់ខែប្រជាពលរដ្ឋ តែងតែសុំណូមពរ មកកាន់មន្រ្តីជួរមុខប្រគល់ និងទទួលឯកសារ រួមទាំងមន្រ្តីជំនាញជួរក្រោយនៅតាមវិស័យ ស្នើរទៅក្រសួងបន្ថែមទៀត អំពីការកែតម្រូវកំហុសតិចតួច លើសេវានីត្យានុកូលកម្ម និង ការងារអត្រានុកូលដ្ឋាន ឲ្យបានឆាប់រហ័លផងដែរ។