ប៉ៃលិន៖ លោកជំទាវ បាន ស្រីមុំ អភិបាលខេត្តប៉ៃលិន នៅព្រឹកថ្ងៃទី១៦ ខែមិថុនានេះ បានដឹកនាំ​មន្ត្រីមន្ទីរជំនាញ​ជុំវិញខេត្តចុះពិនិត្យ និងដាក់ចំណាត់ការបន្ទាន់ពាក់ព័ន្ធករណីជីកកកាយដីចំណីភ្នំ នៅចំណុចភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ។

លោកជំទាវ បាន ស្រីមុំ បានក្រើនរំលឹកដល់ប្រធានមន្ទីរជំនាញមួយចំនួន និងបុគ្គល​រំលោភ​បំពានដី​ចំណីភ្នំ និងដីភ្នំ ដែលពាក់ព័ន្ធនឹងការរំលោភបំពានដីសាធារណៈរបស់រដ្ឋយកមកគ្រប់គ្រង ដើម្បី​ប្រយោជន៍ផ្ទាល់ខ្លួន​ ត្រូវ​បញ្ឈប់​សកម្មភាពជាបន្ទាន់។

លោកជំទាវ បានដាក់ចេញនូវចំណាត់ការដល់មន្ត្រីមន្ទីរជំនាញពាក់ព័ន្ធ ​ត្រូវអនុវត្តតាមនីតិវិធីច្បាប់ ចំពោះបុគ្គលណារំលោភយកដីចំណីភ្នំ និងដីភ្នំ និងស្នើឱ្យបញ្ឈប់ការកាយ និង​រុករាន​ដី​ហាមឃាត់​ជាបន្ទាន់ផងដែរ៕