​អេហ្ស៊ីប៖ អាជ្ញាធរ​បាន​និយាយ​ថា ការបាក់​រលំ​អគារ​កា​ល​ពីថ្ងៃ​សុក្រ​នៅក្នុង​រដ្ឋធានី​គែរ ​(Cairo) ប្រទេស​អេ​ហ្ស៊ី​បបណ្តាល​ឲ្យ​មនុស្ស ​6​នាក់​ស្លាប់ ខណៈ​ក្រុម​អ្នក​ជួយសង្គ្រោះ​នៅ​កន្លែង​កើត​ហេតុ​បាន​បន្ត​ស្វែង​រក​អ្នក​បាត់​ខ្លួន​នៅ​តាម​គំនរ​បាក់បែក​។

​គេ​នៅ​មិនទាន់​បាន​ដឹង​ភ្លាមៗ​នៅឡើយ​នោះទេ​ ពី​មូល​ហេតុដែល​បណ្តាលឱ្យ​បាក់​រលំ​អគារ​នេះ​។ អភិបាលរងក្រុង​លោក Ibrahim Abdel-Hadi បាន​និយាយ​នៅ​ក្នុង​សេចក្តីថ្លែងការណ៍​ចេញ​ផ្សាយ​ដោយ​ក្រសួងមហាផ្ទៃ​ថា គ្រួសារ​មួយ​មាន​សមាជិក 6​នាក់​ត្រូវ​គេ​ជឿថា​បាន​ស្ថិត​នៅ​ខាង​ក្នុង​អគារ​កម្ពស់​ 6​ជាន់​ដែលបាក់​រលំ​មួយ​នេះ​។​ ប្រជាជន​ត្រូវ​បាន​គេ​ស្នើ​ឱ្យ​ចាក​ចេញពី​អគារ​ដែល​នៅ​ជុំវិញ​នោះ​ ដោយសារតែ​មានការ​ព្រួយបារម្ភ​អំពី​រចនាសម្ព័ន្ធ​។ ក្រុម​អ្នក​ឈូស​ឆាយ និង​អ្នក​ជីក​រក​បន្ត​លើក​ចេញ​បំណែក​បាក់បែក​នៅ​កន្លែង​កើត​ហេតុ​កាលពី​រសៀល​ថ្ងៃ​សុក្រ​។ ការ​បាក់​រលំ​អគារ​គឺជា​រឿង​ធម្មតា​ទៅ​ហើយ​នៅ​ក្នុង​ប្រទេស​អេ​ហ្ស៊ី​ប ដែល​សំណង់​មិន​សមស្រប និង​កង្វះ​ការថែទាំ​នៅ​ក្នុង​សង្កាត់​ក្រីក្រ ​និង​តំបន់​ជនបទ​។ រដ្ឋាភិបាល​របស់​ប្រទេស​បាន​ព្យាយាម​បង្ក្រាបលើ​សំណង់​ខុសច្បាប់​ ក្នុង​រយៈពេល​ប៉ុន្មាន​ឆ្នាំ​ថ្មីៗ​នេះ​បន្ទាប់ពី​ការអនុវត្ត​ច្បាប់​មាន​ភាព​ធូររលុង​៕

អត្ថបទ៖ ប៊ុនថន