​ជិះ​ក្តារ​បន្ទះ​៖ ​អតីត​កីឡា​ការិនី​ជើងឯក​ កីឡា​ជិះ​ក្ដារបន្ទះ​លើ​ទឹកកក​ពិភពលោក​បារាំង Julie Pomagalski​ បាន​ទទួល​មរណភាព ​អំឡុង​ពេល​ជិះ​កម្សាន្ត​នៅ​តំបន់​ភ្នំ​ទឹកកក Uri ប្រទេស​ស្វ៊ី​ស នេះ​បើ​តាម​ការ​បញ្ជាក់​របស់​គណៈកម្មាធិការ​អូឡាំពិក​បារាំង​ នៅ​ថ្ងៃ​ព្រហស្បតិ៍​ម្សិលមិញ​នេះ​។ ​Julie Pomagalski​ មាន​វ័យ ៤០​ឆ្នាំបាន​រអិល​ចេញពី​ផ្លូវ​ជម្រាល​ ជាមួយ​នឹង​មនុស្ស ៣នាក់​ផ្សេងទៀត​។ ​មាន​អ្នក​កម្សាន្ត​ម្នាក់ទៀត​សញ្ជាតិ​បារាំង​ ក៏បាន​ស្លាប់​ក្នុង​ពេល​នោះ​ដែរ​។​

​អាជ្ញាធរ​ក្នុង​តំបន់​បាន​និយាយ​ថា មាន​ព្យុះ​ព្រិល​បាន​វាយប្រហារ​កាលពី​ថ្ងៃ​អង្គារ ​ខណៈ​ក្រុម​នេះ​បាន​ចុះ​ពីលើ​ភ្នំ Gemsstock​ ដែល​មាន​កម្ពស់ ២,៩៦១​ម៉ែត្រ​ជា​តំបន់​ពេញ​និយម​ ជាមួយ​អ្នក​ជិះ​ដែល​មាន​ជម្រាល​ភ្នំ​ខ្ពស់​ពេញ​ដោយ​ព្រិល​ទឹកកក​។​ ​​Julie Pomagalski​ ធ្លាប់​ជា​ជើងឯក​ពិភពលោក​ លើ​ប្រភេទ​កីឡា​មួយ​នេះ​កាលពី​ឆ្នាំ១៩៩៩​។​ ​​ក្រោយ​មក Pomagalski ​បាន​ឈ្នះ​ជើងឯក World Cup មួយទៀត​នៅ​ឆ្នាំ២០០៤ និង​ធ្លាប់​ឈ្នះ ៩ ទីតាំង​ប្រកួតក្នុង​ការ​ប្រកួត​ជើង​ឯក​ពិ​ភ​លោក​ឆ្នាំ​ផ្សេងទៀត​។ នៅ​ឆ្នាំ ២០០២ Pomagalski​ ក៏បាន​ឈ្នះ​មេដាយ​មាស​អូឡាំពិក​រដូវរងា នៅ​ទីក្រុង Salt Lake សហរដ្ឋអាមេរិក និង​ឈ្នះ​មេដាយ​មាស​ម្តង​ទៀត ៤​ឆ្នាំ​បន្ទាប់​នៅ​ទីក្រុង Turin ប្រទេស​អ៊ីតាលី​៕

​អត្ថបទ​៖​នាង សុភា​វុ​ធ