អន្ដរជាតិ៖ លោក​​​​ Serhiy Gaidai គឺជាអភិបាល​​តំបន់​​ Luhansk ​​របស់​​​អ៊ុយក្រែន ​​ជា​​តំបន់​មួយក្នុងចំណោម​តំបន់​​រងការ​​វាយប្រហារ​​ខ្លាំងក្លា​បំផុត​​របស់​​​រុស្ស៊ី ក្នុងពេល​ប៉ុន្មានសប្ដាហ៍​ថ្មីៗនេះ​ បាននិយាយថា​ ស្ថានភាព​​ពិតជា​យ៉ាប់យ៉ឺនខ្លាំងណាស់​នៅតាម​​​​សមរភូមិ​ជួរមុខ​​ទាំងអស់​​​គិតត្រឹម​ល្ងាច​ថ្ងៃ​​ច័ន្ទ។

លោក​​​​ Gaidai បាននិយាយនៅលើ​កញ្ចក់​ទូរទស្សន៍​​​​អ៊ុយក្រែន​ថា​ ​កងទ័ពរុស្ស៊ីបានប្រមូលកម្លាំង​បម្រុងគ្រប់គ្រាន់ ដើម្បីចាប់ផ្តើមការវាយលុកទ្រង់ទ្រាយធំ។

លោក​ថា​ កងកម្លាំង​​រុស្ស៊ីគ្រប់គ្រង​ភាគច្រើន ​នៃ​ទីក្រុង Sievierodonetsk ​ក្រៅពី​រោងចក្រ​គីមី​ Azot ​ជា​ទីដែល​​ជនស៊ីវិល​រាប់រយនាក់​​​កំពុងជ្រកកោន​​​អស់រយៈពេ​លជាច្រើនសប្ដាហ៍​​​ ចំណែក​​ផ្លូវតភ្ជាប់ទៅកាន់ទីក្រុង​ Sievierodonetsk និ​​ងទីក្រុងធំ​ទី២​ Lysychansk ទៅកាន់​​​ទីក្រុង​ Bakhmut ​​ស្ថិត​ក្រោមការ​បាញ់​​​ផ្លោង​ឥតឈប់​៕