រុស្ស៊ី៖ ប្រធានាធិបតីរុស្ស៊ីលោក Vladimir Putin បាននិយាយកាលពីថ្ងៃអង្គារថា ប្រទេសរុស្ស៊ីនឹងពង្រឹងយោធារបស់ខ្លួនដោយយកមកពិចារណាពីការគំរាម និងហានិភ័យផ្នែកយោធាដ៏មានសក្តានុពល។ ប្រធានាធិបតីរុស្ស៊ីបានធ្វើសេចក្តីថ្លែងការណ៍នេះ ខណៈថ្លែងទៅកាន់និស្សិតបញ្ចប់ការសិក្សាផ្នែកយោធានៅទីក្រុងមូស្គូ។
លោកបាននិយាយទៅកាន់និស្សិតបញ្ចប់ការសិក្សាផ្នែកយោធានៅវិមានក្រឹមឡាំងថា ក្នុងចំណោមវិស័យអាទិភាពគឺការបំពាក់ឱ្យកងទ័ពជាមួយនឹងប្រព័ន្ធសព្វាវុធថ្មី ដែលនឹងកំណត់ប្រសិទ្ធភាពប្រយុទ្ធរបស់កងទ័ព និងកងទ័ពជើងទឹកក្នុងរយៈពេលប៉ុន្មានឆ្នាំ និងទសវត្សរ៍ខាងមុខនេះ។ លោក Putin បានបញ្ជាក់ថា កងទ័ពរុស្ស៊ីបានចាប់ផ្តើមទទួលបានរួចហើយប្រព័ន្ធការពារប្រឆាំងមីស៊ីលបាលីស្ទិក និងប្រឆាំងយន្តហោះចម្បាំង S-500។ លោកនិយាយថា ប្រព័ន្ធមីស៊ីលបាលីស្ទិកអន្តរទ្វីប Sarmat ដំបូងនឹងត្រូវបានដាក់ក្នុងកាតព្វកិច្ចប្រយុទ្ធនៅក្នុងប្រទេសរុស្ស៊ីនៅចុងឆ្នាំ២០២២។ លោកប្រធានាធិបតីរុស្ស៊ីអះអាងថា គ្មានការសង្ស័យនោះទេថា ប្រទេសនេះកាន់តែខ្លាំង៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
