រុស្ស៊ី៖ កាលពីថ្ងៃពុធរុស្ស៊ីបានអះអាងថា លោកខាងលិចកំពុងបំប៉ោងព័ត៌មានមិនពិតអំពីដើមចមបង្កឲ្យមានវិបត្តិស្បៀងអាហារសកល ដែលក្រុង Moscow និយាយថា ត្រូវបានបង្កឡើងដោយទណ្ឌកម្មដែលបានដាក់លើប្រទេសរុស្ស៊ីពីសំណាក់សហរដ្ឋអាមេរិក និងសហភាពអឺរ៉ុបព្រោះការវាយលុកលើអ៊ុយក្រែន។
ក្រៅតែពីការស្លាប់ និងការបំផ្លិចបំផ្លាញកើតចេញពីការវាយប្រហាររបស់រុស្ស៊ី សង្គ្រាម និងការប៉ុនប៉ងពីលោកខាងលិចក្នុងការបំផ្លាញសេដ្ឋកិច្ចរបស់រុស្ស៊ីជាការដាក់ទោសនោះ បានធ្វើឲ្យតម្លៃគ្រាប់ធញ្ញជាតិ ប្រេងឆា ជីកសិកម្ម និងថាមពលហក់ឡើងខ្ពស់កប់ពពក ដែលធ្វើឲ្យប៉ះពាល់ដល់កំណើនសេដ្ឋកិច្ចសកល។ អ្នកនាំពាក្យក្រសួងការបរទេសរុស្ស៊ីលោកស្រី Zakharova បានប្រាប់ក្រុមអ្នកសារព័ត៌មាននៅក្នុងទីក្រុង Moscow ថា លោកស្រីមិនសប្បាយចិត្តនឹងសេចក្ដីថ្លែងការណ៍ដដែលៗរបស់លោកខាងលិចដែលថា រុស្ស៊ីជាដើមចមឲ្យមានវិបត្តិស្បៀងអាហារសកល។ លោកស្រីបាននិយាយថា វាជាការកុហក ការចោទប្រកាន់ទាំងនេះគឺជាសម្ដីកុហកទាំងស្រុង។ ដូច្នេះលោកខាងលិចអាចផ្គត់ផ្គង់អាវុធទាំងអស់នោះទៅកាន់អ៊ុយក្រែន ប៉ុន្តែពុំមានហេតុផលដែលអាចកើតចេញពីអ៊ុយក្រែនបាន?៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
