សៀមរាប៖ នៅថ្ងៃទី២៦ ខែមីនា ឆ្នាំ២០២១ យុវជនមកពីគ្រួសារសហភាពហព័ន្ធយុវជនកម្ពុជា យុវជនតោះទៅលេងសៀមរាប បានសហការជាមួយអាជ្ញាធរខេត្ត និងអាជ្ញាធរក្រុងសៀមរាប ចុះផ្សព្វផ្សាយតាមឧគ្ឃោសនសព្ទតាមរយៈរ៉ឺម៉កចំនួន ១២គ្រឿង ដែលរ៉ឺម៉កមួយគ្រឿង មានឧគ្ឃោសនសព្ទមួយ ដោយចុះតាមដងផ្លូវ ទីប្រជុំជនក្នុងក្រុងសៀមរាប។

ការ​ហែរជាក្បួនរៀបចំបែងចែកជា ២ក្រុមតូចៗ ដោយមួយក្រុម មាន រ៉ឺម៉ក ៦គ្រឿង គឺបែកខាងលិចស្ទឹង និងខាងកើតស្ទឹង។

ការហែរជាក្រុមនេះ ធ្វើរយៈពេល ពេញមួយព្រឹកថ្ងៃទី២៦ ខែមីនា ឆ្នាំ២០២១ នេះ ហើយបន្ទាប់មក ពេលរសៀល និងថ្ងៃបន្ទាប់ គឺយុវជន ចុះតាមសង្កាត់ ដោយមួយសង្កាត់មានរឺម៉ក ១គ្រឿង។សកម្មភាពនេះ នឹងត្រូវអនុវត្តមួយរយៈកាលរហូតដល់ស្ថានភាពនៃការឆ្លងថយចុះ ឬការយល់ដឹងច្រើនរបស់បងប្អូនប្រជាពលរដ្ឋ។

យុវជនដែលបានចុះបំពេញកិច្ចការនេះ គឺបានយល់ និងអនុវត្តយ៉ាងខ្ជាប់ខ្ជួននូវវិធានការការពារ ៣កុំ ៣ការពារ និងវិធានដ៏ទៃទៀតដែលរាជរដ្ឋាភិបាល ក្រសួងសុខាភិបាល និងក្រសួងស្ថាប័នពាក់ព័ន្ធ និងរដ្ឋបាលខេត្តសៀមរាប បានដាក់ចេញកន្លងមក។

អាជ្ញាធរខេត្ដសៀមរាប ​កោតសរសើពីសកម្មភាពយុវជននេះ ដោយលើកឡើងថា ពួកគាត់គេបានលះបង់ទាំងកម្លាំងកម្លាំងចិត្ដ និងចំណាយពេលវេលា ក្នុងការទប់ស្កាត់ការឆ្លងរាលដាលនៃជំងឺកូវីដ-១៩ និងឲ្យបងប្អូនបានយល់ និងអនុវត្តព្រមទាំងជៀសពីការចុះអនុវត្តច្បាប់ របស់សមត្ថកិច្ចអំពីការមិនអនុវត្តន៍កាតព្វកិច្ចពាក់ម៉ាស និងកាតព្វកិច្ចអនុវត្តគម្លាតសុវត្ថិភាពជាដើម៕ អត្ថបទ៖ សាវី