អន្ដរជាតិ៖ កាលពីថ្ងៃពុធម្សិលមិញ កងកម្លាំងអ៊ុយក្រែនបានជីករូងដី​សម្រាប់​ជាកន្លែង​ការពារចុងក្រោយទប់ទល់​នឹងការវាយរុលទៅមុខ​​របស់ទាហាន​រុស្ស៊ី នៅក្នុងខេត្ត Luhansk ជាកន្លែងដែលកងកម្លាំងរុស្ស៊ី​ឥឡូវនេះគំរាមវាយលុកទីក្រុងធំ ៗ ចំនួនពីរដែលកំពុង​ត្រូវបាន​រារាំង​​ដោយ​កងកម្លាំង​​អ៊ុយក្រែន​។ ​ ​

ការរំពឹងទុករបស់រុស្ស៊ីថានឹង​បានគ្រប់​គ្រង​ទីក្រុង ​ Sievierodonetsk និង Lysychansk ដែលកំពុងក្លាយជា​សមរភូមិ​ប្រយុទ្ធដ៏ក្ដៅគគុកនោះ បានធ្វើឱ្យមេបញ្ជាការអ៊ុយក្រែនមានជម្រើសយ៉ាងមុតមាំក្នុងការស្នាក់នៅ និងប្រយុទ្ធ ដោយប្រថុយប្រថាននឹងការកាត់ផ្ដាច់ខ្សែត្រៀម​ផ្គត់ផ្គង់ និងការឡោមព័ទ្ធក្រុម​អ្នកការពាររាប់ពាន់នាក់ ៕