ស្ទឹងត្រែង៖ បទល្មើសគ្រឿងញៀនឆ្លងដែនពីប្រទេជិតខាងចូលមកកម្ពុជា ដោយកន្លងមកយកភូមិសាស្ត្រខេត្តស្ទឹងត្រែងជាតំបន់ឆ្លងកាត់ គឺមានការថយចុះ នៅ៦ខែដើមឆ្នាំ២០២២ នេះបើយោងតាមរបាយការណ៏របស់កម្លាំងសមត្ថកិច្ចជំនាញ។

លោក វរសេនីយ៏ទោ ម៉ាន់ សៀប ប្រធានការិយាល័យទំនាក់ទំនងព្រំដែនអន្តរជាតិកម្ពុជា ឡាវ(BLO)នៅចំណុចច្រកទ្វារ ត្រពាំងក្រៀលនៃភូមិសាស្រ្តខេត្តស្ទឹងត្រែង បានឲ្យដឹងថា សកម្មភាពពួកឧក្រឹដ្ឋជន ក្នុងការធ្វើជំនួញគ្រឿងញៀនឆ្លងដែន ថោយយកខេត្តស្ទឹងត្រែងជាតំបន់ឆ្លងកាត់កន្លងនោះ ពេលនេះមានការថយចុះ ជាក់ស្ដែងក្នុងរយៈពេល៦ខែនៅដើមឆ្នាំ២០២២នេះ មានតែមួយករណីប៉ុណ្ណោះ។

លោកបន្តថា ការថុចុះនៃសកម្មភាពបទល្មើសគ្រឿងញៀនឆ្លងដែន នៅតាមខ្សែរបន្ទាត់ព្រំដែនកម្ពុជាឡាវ ដោយសារតែមានការចូលរួមសហការពីកងកម្លាំងការពារព្រំដែននិងមានការសហការល្អពីសមត្ថកិច្ចខាងភាគីឡាវ ក្នុងការរឹតបន្តឹងទប់ស្កាត់រាល់សកម្មភាពបទល្មើសការជួញដូរនៅសារធាតុញៀញ ឆ្លងដែនខុសច្បាប់ពីប្រទេសជិតខាង ។

លោកប្រធានBLO បានបញ្ជាក់បន្ថែមថា បើប្រៀបធៀបឆ្នាំ២០២១ និងឆ្នាំ២០២២ រយៈពេល៦ខែដូចគា្ន សម្រាប់ឆ្នាំ២០២២នេះសកម្ ភាពបទល្មើសគ្រឿងញៀនមានតែមួយករណី ហើយត្រូវបានកម្លាំងសមត្ងកិច្ចជំនាញធកវើការបង្ក្រាបបាននៅវេលាម៉ោង៩និង៣០នាទីថ្ងៃទី១៣ខែកុម្ភៈឆ្នាំ២០២២ ដោយឃាត់បានជនជាតិឡាវ ម្នាក់និងរឹបអូសបានវត្ថុតាងថ្នាំញៀនចំនួនទម្ងន់១០គីឡូក្រាមប៉ុណ្ណោះ ដោយឡែកកន្លងមក នៅឆ្នាំ២០២១ មានការបង្ក្រាបបានច្រើនករណីណាស់ ហើយបង្ក្រាបបានរាប់រយគីឡូក្រាមទៀតផងលោក ទិន សត្យា ប្រធានសមាគមន៏ ទេសចរណ៏ប្រចាំច្រកទ្វារអន្តរជាតិ ត្រពាំងក្រៀល បានឲ្យដឹងថា នៅក្នុងឆ្នាំង២០២២ នេះលោកបានសង្កេតឃើញសកម្មភាពរបស់កងកម្លាំង សមត្ថកិច្ចគ្រប់អង្គភាព ដែលឈរជើងតាមបន្ទាត់ព្រដែន គឺបានចុះពង្រឹង អនុវត្តន៏ច្បាប់ក្នុងការថែរក្សាសន្តិសុខសណ្ដាប់ បានល្អ ជាពិសេសបានចុះល្បាតទប់ស្កាត់រាល់សកម្មភាពបទល្មើសឆ្លងដែនបានយ៉ាងល្អប្រសើរ ៕