ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី២៨ ខែមីនា ឆ្នាំ២០២១នេះ បានផ្តល់ថវិកាបន្ថែមសរុបចំនួន១,០៧០,០០០,០០០រៀល(មួយពាន់ចិតសិបលានរៀល) ដល់បណ្តាខេត្តចំនួន១៥ និងឃីត សរុបចំនួន៤៥០០ ជូនដល់បណ្តាខេត្តចំនួន១២ផ្សេងទៀត សម្រាប់ឧបត្ថម្ភដល់ពលករខ្មែរ ដែលត្រឡប់មកពីប្រទេសថៃ មកកាន់ស្រុកកំណើតវិញ ដើម្បីធ្វើចត្តាឡីស័ក។

បើតាមលោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល ប្រាប់BTV ព័ត៌មានព្រឹកនេះថា ដោយមានការយកចិត្តទុកដាក់ខ្ពស់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្តបានឲ្យរៀបចំចាត់ចែង ថវិកា និងឃីតបន្ថែម ជូនទៅកាន់បណ្តាខេត្តនានា សម្រាប់ត្រៀមពីថ្ងៃទី២៨ មីនា រហូតដល់ថ្ងៃទី០៥ ខែមេសា ឆ្នាំ២០២១។ 

លោកជំទាវ វេជ្ជបណ្ឌិត យក់ សម្បតិ្ត បានបញ្ជាក់ទៀតថា ខេត្តទាំង១៥ ដែលទទួលបានថវិកាបន្ថែមរបស់សម្តេចតេជោ រួមមាន៖ ខេត្តបាត់ដំបង ទទួលបានថវិកា១០០លានរៀល, ខេត្តបន្ទាយមានជ័យ ទទួលបានថវិកា៣០០លានរៀល, ខេត្តប៉ៃលិន ទទួលបានថវិកា ៥០លានរៀល, ខេត្តពោធិ៍សាត់ ទទួលបានថវិកា១០០លានរៀល, ខេត្តព្រះវិហារ ទទួលបានថវិកា២០លានរៀល, ខេត្តត្បូងឃ្មុំ ទទួលបានថវិកា ១០០លានរៀល, ខេត្តក្រចេះ ទទួលបានថវិកា ៤០លានរៀល, ខេត្តតាកែវ ទទួលបានថវិកា ២០លានរៀល, ខេត្តកំពង់ចាម ទទួលបានថវិកា ៣០លានរៀល, ខេត្តកំពង់ឆ្នាំ ទទួលបានថវិកា ២០លានរៀល, ខេត្តកំពង់ស្ពឺ ទទួលបានថវិកា ២០លានរៀល, ខេត្តកំពង់ធំ ទទួលបានថវិកា ៣០លានរៀល, ខេត្តស្ទឹងត្រែង ទទួលបានថវិកា ១០លានរៀល, ខេត្តព្រះសីហនុ ទទួលបានថវិកា ៣០លានរៀល និងខេត្តសៀមរាប ទទួលបានថវិកា ២០០លានរៀល។ ហើយខេត្តទាំង១៥នេះ មានប្រជាពលរដ្ឋកំពុងធ្វើចត្តាឡីស័ក សរុបចំនួន១២៨២៣នាក់។

ដោយឡែក ខេត្តទាំង១២ ដែលទទួលបានសម្ភារៈឃីត របស់សម្តេចតេជោ រួមមាន៖ ខេត្តបាត់ដំបង ទទួលបានឃីត ចំនួន៦០០, ខេត្តបន្ទាយមានជ័យ ទទួលបានឃីត ចំនួន៥០០, ខេត្តឧត្តរមានជ័យ ទទួលបានឃីត ចំនួន៤០០, ខេត្តកោះកុង ទទួលបានឃីត ចំនួន១០០, ខេត្តពោធិ៍សាត់ ទទួលបានឃីត ចំនួន៤០០, ខេត្តព្រះវិហារ ទទួលបានឃីត ចំនួន១០០, ខេត្តព្រៃវែង ទទួលបានឃីត ចំនួន៦០០, ខេត្តត្បូងឃ្មុំ ទទួល

បានឃីត ចំនួន៤០០, ខេត្តកំពង់ឆ្នាំង ទទួលបានឃីត ចំនួន២០០, ខេត្តកំពង់ស្ពឺ ទទួលបានឃីត ចំនួន៣០០, ខេត្តកំពង់ធំ ទទួលបានឃីត ចំនួន៥០០ និងខេត្តសៀមរាប ទទួលបានឃីត ចំនួន៤០០។ ហើយខេត្តទាំង១២នេះ មានប្រជាពលរដ្ឋកំពុងធ្វើចត្តាឡីស័ក សរុបចំនួន៩៥៨៦នាក់៕ អត្ថបទ ៖