​​ម៉ុ​ល​ដូ​វ៉ា៖ ក្នុងអំឡុង​ដំណើរ​ទស្សនកិច្ច​ទៅកាន់​ទីក្រុង Kyiv កាលពី​ថ្ងៃ​ចន្ទប្រធានាធិបតី​ប្រទេស​ម៉ុ​ល​ដូ​វ៉ាលោកស្រី Maia Sandu បាន​ជួប​ជាមួយ​ប្រធានាធិបតី​អ៊ុយ​ក្រែ​ន​លោក Volodymyr Zelenskyy បន្ទាប់ពី​លោកស្រី​បាន​ទៅដល់​ទីក្រុង Bucha ជា​កន្លែង​នៃ​ការសម្លាប់​រង្គាល​របស់​រុស្ស៊ី​លើ​ជន​ស៊ីវិល ​តាម​ការចោទប្រកាន់​តាំងពី​សង្គ្រាម​ដំបូង​ក្នុងចំណោម​តំបន់​នៅ​ជាយ​ទីក្រុង ​Kyiv​។ នេះ​ជា​ជំនួប​លើកដំបូង​រវាងប្រមុខរដ្ឋ នៃ​រដ្ឋ​ជា​បេក្ខភាព​សហភាព​អឺរ៉ុប​ទាំងពីរ​។​

​លោកស្រី Sandu និយាយថា រដ្ឋាភិបាល​​ម៉ុ​ល​ដូ​វ៉ាកំពុង​ព្យាយាម​គ្រប់បែបយ៉ាង​នៅក្នុង​អំណាច​របស់ខ្លួន​ ដើម្បី​ទប់ស្កាត់​តំបន់​ផ្តាច់ខ្លួន​មិន​ឲ្យ​មានការ​គំរាមកំហែង​ដល់​សន្តិភាព និង​សន្តិសុខ​របស់​អ៊ុយ​ក្រែ​ន​ដោយ​សំដៅ​ទៅលើ​តំបន់ ​Transnistria​។ ​តំបន់ Transnistria ជា​ដែនដី​ដែលមាន​ប្រជាជន​ប្រហែល ​470,000​នាក់​រវាង​ប្រទេស​ម៉ុ​ល​ដាវី និង​អ៊ុយ​ក្រែ​ន បាន​ស្ថិតនៅក្រោម​ការគ្រប់គ្រង​របស់​អាជ្ញាធរ​ផ្តាច់ខ្លួន​ចាប់តាំងពី​សង្គ្រាម​ឆ្នាំ1992 ជាមួយ​ប្រទេស​ម៉ុ​ល​ដូ​វ៉ា​។ រុស្ស៊ី​បានដាក់​មូលដ្ឋានទ័ព​ប្រហែល 1,500នាក់​នៅ​ទីនោះដោយ​ចាត់ទុកថា​ជា​អ្នករក្សា​សន្តិភាព ប៉ុន្តែ​មានការ​ព្រួយបារម្ភ​ខ្ពស់​ថា កងកម្លាំង​ទាំងនេះ​អាច​ត្រូវបាន​ប្រើប្រាស់​ ដើម្បី​វាយលុក​លើ​អ៊ុយ​ក្រែ​ន​ពី​ភាគ​ខាងលិច៕

អត្ថបទ៖ ប៊ុនថន