អន្ដរជាតិ៖ អភិបាលតំបន់ Poltava បាននិយាយថា មនុស្ស ៣៦​នាក់នៅបាត់ខ្លួននៅឡើយ បន្ទាប់ពីការវាយប្រហារកាលពីម្សិលមិញលើមជ្ឈមណ្ឌលលក់ទំនិញទីក្រុងKremenchuk ខណៈក្រុមអ្នកជួយសង្គ្រោះ​បន្តស្វែងរកនៅក្នុងគំនរបាក់បែក។

លោក Dmytro Lunin បាននិយាយលើបណ្តាញ Telegram ថា មនុស្សជាងមួយពាន់នាក់ បានធ្វើការពេញមួយយប់នៅលើទីតាំង ដែលបានបំផ្លាញ​រួមមានក្រុមជួយសង្គ្រោះ នគរបាល គ្រូពេទ្យ និងអ្នកស្ម័គ្រចិត្ត។

លោក​បាន​និយាយ​ថា មនុស្ស ២៥នាក់ ​ត្រូវ​បាន​បញ្ជូន​ទៅកាន់​មន្ទីរពេទ្យ​ក្នុង​ចំណោម​អ្នក​របួស​សរុប ៥៩នាក់​ ហើយចំនួន​អ្នក​ស្លាប់​បច្ចុប្បន្ន​បានកើនឡើងដល់​ ១៨​នាក់​។