អន្ដរជាតិ៖ អភិបាល​តំបន់ Luhansk របស់​អ៊ុយក្រែនបាន​និយាយ​ថា កងកម្លាំង​រុស្ស៊ី​កំពុង​វាយសម្រុកចូល​ទីក្រុង Lysychansk ពី​ភាគ​ខាងលិច និងភាគ​និរតី។

លោក Serhiy Haidai និយាយថាកងកម្លាំងរុស្ស៊ីកំពុងព្យាយាមបិទទីក្រុងពីផ្នែកទាំងនេះ ហើយដណ្តើមយកបណ្តាញដឹកជញ្ជូនជាមួយតំបន់Donetsk។

លោក Haidai បានសរសេរនៅលើបណ្តាញ Telegram ថា ការប្រយុទ្ធគ្នាកំពុងកើតឡើងនៅចន្លោះទីតាំងលំនៅឋាននៅក្រុងVovchoyarivka ចម្ងាយប្រហែល12 គីឡូម៉ែត្រភាគនិរតីទីក្រុង Lysychansk និងរោងចក្រចម្រាញ់ប្រេង។

លោកមិនបានបញ្ជាក់ច្បាស់ថាតើលោកចង់សំដៅទៅលើរោងចក្រចម្រាញ់ប្រេងនៅទីក្រុង Vovchoyarivka ឬនៅទីក្រុង Lysychansk នោះទេ។