ភ្នំពេញ៖ នៅថ្ងៃទី២១ ខែមិថុនា ឆ្នាំ២០២២ China Huaneng Group ដែលជាអ្នកសាងសង់ និងដំណើរការស្ថានីយ៍វារីអគ្គិសនីសេសានក្រោម២​នៅកម្ពុជា បានប្រារព្ធកម្មវិធី "ថ្ងៃបើកលើប្រព័ន្ធអ៊ីនធឺណិត" ក្រោមប្រធានបទ​៖ ឈានទៅអនាគត ​ឱ្យផ្កាតំណាងសុភមង្គលរីកស្គុះស្គាយ។

កម្មវិធី"ថ្ងៃបើកលើប្រព័ន្ធអ៊ីនធឺណិត" លើកនេះ បានយកក្មេងប្រុសឈ្មោះ សុខា ដែល​មាន​អាយុ​ ១០ឆ្នាំ ជាតំណាងដើម្បីទៅយល់ដឹងពីរឿងរ៉ាវជីវិត នៅក្នុងភូមិស្រែគរដែលបង្ហាញនូវការយកចិត្តទុកដាក់ជានិច្ចរបស់ស្ថានីយ៍វារីអគ្គិសនីសេសានក្រោម២ ចំពោះការអភិវឌ្ឍផ្នែកអប់រំក្នុងភូមិស្រែគរ និងការកែលម្អមណ្ឌលសុខភាពជាដើម ព្រមទាំងរួមបញ្ចូលនូវរឿងរ៉ាវដែលស្ថានីយ៍វារីអគ្គិសនីសេសានក្រោ២ នាំមកនូវថាមពលដ៏បរិបូរណ៍ ដល់អ្នកភូមិ និងបានសាងសង់សាលារៀន​ដើម្បីជួយកុមារ​ដែលនៅជុំវិញនោះ​ឱ្យបានទៅសាលារៀន។

ជារួម គឺបានធ្វើឱ្យជីវិតអ្នកភូមិ​ស្រែគរកាន់តែប្រសើរឡើង។ នៅភូមិស្រែគរបច្ចុប្បន្នមានមណ្ឌលសុខភាព​ដែលក្នុងមួយឆ្នាំអាច​សម្រាលកូនបានជាង ៨០នាក់។ ចំណែកដីដែលជាសំណង​របស់រដ្ឋាភិបាល បានធ្វើឱ្យ​ប្រជាជនមានចំណូលកាន់តែច្រើន។ អ្នកភូមិស្រែគរ កំពុងតែមានសុភមង្គល។

ការផ្លាស់ទីលំនៅថ្មីរបស់អ្នកភូមិនៃស្ថានីយ៍វារីអគ្គិសនីសេសានក្រោម២ គឺជាគម្រោងដ៏ធំបំផុត និងមានប្រជាជនច្រើនជាងគេ។ បន្ទាប់ពីភូមិស្រែគរបានសាងសង់សាលារៀន មណ្ឌលសុខភាព ផ្លូវថ្នល់ វត្តអារាម ប៉ុស្តិ៍នគរបាល និងកន្លែងសាធារណៈផ្សេងទៀតមក គឺមានប្រព័ន្ធលូ បណ្តាញអគ្គិសនី អណ្តូងទឹក និងហេដ្ឋារចនាសម្ព័ន្ធផ្សេងៗទៀតយ៉ាងគ្រប់គ្រាន់ និងកំពុងធ្វើឱ្យមានភាព​ប្រសើរឡើងយ៉ាង​ខ្លាំងនូវលក្ខខណ្ឌលំនៅដ្ឋាន និងជីវភាពរស់នៅរបស់អ្នកភូមិ។ ចំពោះដីដែលជាសំណង​សម្រាប់​ដាំដុះរបស់រដ្ឋាភិបាល​បានធ្វើឱ្យចំណូលរបស់​ប្រជាជនមានភាពកើន​ឡើង ជីវភាពរស់នៅប្រចាំថ្ងៃរបស់ប្រជាជាន​កាន់​តែធូរធា។

សូមបញ្ជាក់ថា៖ ចាប់តាំងពីឆ្នាំ 2019 មក China Huaneng Group បានប្រារព្ធកម្មវិធី ថ្ងៃបើកចំហជា​សាធារណៈជារៀងរាល់ឆ្នាំនៅក្នុងប្រទេសដែលមានគម្រោងនេះ។  គេតែងតែប្រកាន់ខ្ជាប់នូវគោលគំនិតនៃ"ការពិភាក្សារួមគ្នា សហការសាងសង់ និងការចែករំលែក" និងបង្ហាញថា ​China Huaneng Group ​បានចូលរួមចំណែកយ៉ាងសកម្មក្នុងការផ្គត់ផ្គង់ថាមពលស្អាតដើម្បីលើកកម្ពស់កិច្ចសហប្រតិបត្តិការពហុភាគីរវាងបណ្តាប្រទេសអាស៊ីអាគ្នេយ៍ និងលើកកម្ពស់ជីវភាពរស់នៅរបស់ប្រជាជន។

China Huaneng Group ​បានបង្កើត"គំរូថ្មី"សម្រាប់កិច្ច​សហប្រតិបត្តិការ​ឈ្នះ-ឈ្នះ រយៈពេលវែង រវាងចិន និងកម្ពុជា។

ស្ថានីយ៍វារីអគ្គិសនីសេសានក្រោម២ គឺជាក្រុមហ៊ុនមួយដែល Huaneng Lancang River Hydropower Co., Ltd.,​ជាអ្នកកាន់ភាគហ៊ុន និងគ្រប់គ្រង ព្រមទាំងគម្រោង BOT របស់ Royal Cambodian Group និង Vietnam Electric Power Company ជាអ្នកចូលហ៊ុន។ ​

មានទីតាំងស្ថិតនៅខេត្តស្ទឹងត្រែង ក្នុងស្រុកសេសានលើដងទន្លេសេសាន នៅភាគឦសាននៃប្រទេសកម្ពុជា ដែលមាន​ប្រវែងសរុប ៦,៥០០ម៉ែត្រ ទំនប់នេះគឺ "ទំនប់វារីអគ្គិសនីវែងជាងគេនៅអាស៊ី" អនុភាពសរុបរបស់ម៉ាស៊ីនគឺ 400MW បន្ទាប់ពីបានដាក់ឱ្យ​ដំណើរការអនុភាពគឺស្មើនឹងប្រមាណ២០%នៃអនុភាពសរុបរបស់កម្ពុជា។

គិតត្រឹមថ្ងៃទី៣១ ខែឧសភា ​ស្ថានីយ៍បានផ្ដល់នូវថាមពលសរុបចំនួន ៦​.៦៥២​ពាន់លានគីឡូវ៉ាត់ម៉ោង នៃថាមពលសុវត្ថិភាពស្ថិរភាព និងអាចទុកចិត្តបាន។  

គម្រោងវារីអគ្គិសនីធំជាងគេនៅកម្ពុជាមួយនេះ បច្ចុប្បន្នបានជួយកែសម្រួលការខ្វះខាតអគ្គិសនី និងការពឹងផ្អែកលើការនាំចូលរបស់កម្ពុជាយ៉ាងច្រើន ព្រមទាំងបានជួយដល់​ការអភិវឌ្ឍសេដ្ឋកិច្ច​របស់ព្រះរាជាណាចក្រកម្ពុជាផងដែរ៕