​អ៊ុយក្រែន៖ ការវាយប្រហារ​ដោយ​មី​ស៊ី​ល​ត្រូវ​គេ​រាយការណ៍​ថា​ បាន​សម្លាប់​មនុស្ស​យ៉ាងហោចណាស់​ ៥​នាក់​នៅ​អគារ​លំនៅឋាន​ប្រជាពលរដ្ឋ​មួយ​កន្លែង​ក្នុង​ទីក្រុង Mykolaiv ភាគខាងត្បូង​ប្រទេស​អ៊ុយ​ក្រែ​ន ​ខណៈ​កងកម្លាំង​រុស្ស៊ី​បង្កើន​ការវាយប្រហារ​សន្ធាប់​ទៅលើ​សមរភូមិ​ជួរមុខ​ជាច្រើន​នៅ​ថ្ងៃ​ព្រហស្បតិ៍​នេះ។

​លោក Volodymyr Zelenskyy និយាយ​ថា មី​ស៊ី​ល​ចំនួន ​១០​គ្រាប់​បាន​ធ្លា​ក់លើ​តំបន់​លំនៅឋាន​ប្រជា​ពលរដ្ឋ​រស់នៅ​នៃ​ទីក្រុង​កំពង់ផែ Mykolaiv កាលពី​ថ្ងៃ​ពុធ​សម្លាប់​មនុស្ស ​៥​នាក់ ស្របពេល​កងកម្លាំង​រុស្ស៊ី​បង្កើន​ការវាយលុក​ហួស​ពី​តំបន់ Donbas​។ ​នៅក្នុង​ភាគ​ខាងកើត​ អភិបាលខេត្ត Luhansk លោក Oleksandr Vilkul បាន​និយាយថា មាន​ការបាញ់​ប្រយុទ្ធ​គ្នា​គ្រប់​ទីកន្លែង​នៅ​ក្នុង​សមរភូមិជុំវិញ​ទីក្រុង Lysychansk ដែល​កងទ័ព​រុស្ស៊ី​កំពុង​ព្យាយាម​ចូល​ឡោមព័ទ្ធ​។

​អភិបាលក្រុង Kryvyi Rih នៅ​ភាគ​កណ្ដាល​អ៊ុយ​ក្រែ​ន​បាន​និយាយថា រុស្ស៊ី​ក៏បាន​បង្កើន​ការ​បាញ់​ផ្លោង​នៅ​ទី​នោះ​ដែរកាលពី​ប៉ុន្មាន​ថ្ងៃ​កន្លង​ទៅ​នេះ​។ ​ការ​បង្កើន​វាយប្រហារ​ដ៏​សន្ធាប់​នេះ​បាន​កើត​មាន​ឡើង ខណៈ​កងកម្លាំង​របស់លោក​ប្រធានាធិបតី​រុស្ស៊ី Vladimir Putin បាន​រុលទៅមុខ​យឺតៗ ប៉ុន្តែ​មានការ​រីកចម្រើន​ដោយ​មិន​នឹកស្មាន​ដល់​ក្នុង​ជម្លោះ​អូសបន្លាយ​ចូលដល់​ខែ​ទី​៥៕

អត្ថបទ៖ សុខមាន