អាមេរិក៖ រដ្ឋាភិបាលសហរដ្ឋអាមេរិកបានព្រមានកាលពីថ្ងៃអង្គារថា ប្រទេសកូរ៉េខាងជើងនៅតែបន្តទទួលបានវត្ថុធាតុដើម និងឧបករណ៍សម្រាប់កម្មវិធីមីស៊ីលបាលីស្ទិករបស់ខ្លួន ទោះបីជាមានការអះអាងនៅក្នុងទីក្រុងវ៉ាស៊ីនតោនថា ទីក្រុងព្យុងយ៉ាងបានដកខ្លួនថយ លើមហិច្ឆតានុយក្លេអ៊ែររបស់ខ្លួនក៏ដោយ។
នៅក្នុង “ក្នុងការផ្ដល់យោបល់រួមមួយ” របស់ក្រសួងរតនាគារក្រសួងពាណិជ្ជកម្ម និងក្រសួងការបរទេស បានរៀបរាប់លំអិតអំពីកិច្ចប្រឹងប្រែឥតឈប់ឈររបស់កូរ៉េខាងជើង ដើម្បីយកអ្វីៗទាំងអស់ចាប់ពីការបម្លែងរថយន្ត ទៅជាជើងទម្រមីស៊ីលរហូតដល់លោហធាតុធម្មតា និងវត្ថុធាតុដើមដែលអាចបម្រើនៅក្នុងវិស័យផលិតគ្រាប់រ៉ុកកែត ដោយព្រមានប្រទេសអ្នកលក់ដូរវត្ថុធាតុដើមទាំងនោះ ឱ្យប្រយ័ត្នប្រយែងនឹងការដាក់ទណ្ឌកម្មទៅលើប្រទេសនេះ។ រតនាគារបាននិយាយថា សហរដ្ឋអាមេរិកបានប្ដេជ្ញារំខានដល់បណ្ដាញ លទ្ធកម្មមីស៊ីលបាលីស្ទីករបស់កូរ៉េខាងជើង និងលើកកម្ពស់ការទទួលខុសត្រូវចំពោះអង្គភាព និងបុគ្គលដែលជួយ ឬផ្ដល់ការគាំទ្រដល់កម្មវិធីមីស៊ីលអន្តរទ្វីបបាលីស្ទិករបស់កូរ៉េខាងជើង។
ក្រសួងការបរទេសបាននិយាយថា កិច្ចខិតខំប្រឹងប្រែងអភិវឌ្ឍមីស៊ីលរបស់ក្រុងព្យុងយ៉ាង "បង្កការគំរាមកំហែងយ៉ាងខ្លាំងដល់ស្ថិរភាពក្នុងតំបន់ និងពិភពលោក"។ ទោះយ៉ាងណាក៏ដោយរយៈពេល ២ខែមុនការបោះឆ្នោតប្រធានាធិបតី លោក Trump និងយុទ្ធនាការរបស់លោកបានអះអាងពីភាពជោគជ័យ ក្នុងការដោះស្រាយជាមួយប្រទេសកូរ៉េខាងជើង៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
