ភ្នំពេញ៖ ឯកឧត្តមបណ្ឌិត គឹម សន្តិភាព សមាជិកគណៈកម្មាធិការកណ្តាលគណបក្ស និងជាប្រធានក្រុមការងាររៀបចំអង្គការចាត់តាំងយុវជនគណបក្សនៅប្រទេសអូស្ត្រាលី និង​នូវ៉ែលហ្សេឡង់ បានអញ្ជើញទៅថ្វាយបង្គំ និងបាននាំយកទេយ្យទាន រួមទាំងថវិកាមួយចំនួន ប្រគេន​ព្រះសង្ឃគង់ចាំព្រះវស្សានៅវត្តខេមរារង្សីសាជីវកម្មអេស៊ីធី​ ប្រចាំរដ្ឋធានីកង់ប៉េរ៉ា-Canberra ប្រទេសអូស្ត្រាលី។

នាថ្ងៃអាទិត្យ ៥រោច ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៣ ខែកក្កដា ឆ្នាំ២០២២ ឯកឧត្តមបណ្ឌិត គឹម សន្តិភាព សមាជិកគណៈកម្មាធិការកណ្តាលគណបក្ស និងជាប្រធាន​ក្រុម​ការងារ​រៀបចំ​អង្គការចាត់តាំងយុវជនគណបក្សនៅប្រទេសអូស្ត្រាលី ​និងនូវ៉ែលហ្សេឡង់ និង ឯកឧត្តម ចាន់ រតនា ប្រធានគណៈកម្មាធិការគណបក្សប្រចាំប្រទេសអូស្ត្រាលី ​និងនូវ៉ែលហ្សេឡង់ បាន​អញ្ជើញទៅថ្វាយបង្គំ ​និងបាននាំយកទេយ្យទាន រួមទាំង​ថវិកា​មួយចំនួន ប្រគេន​ព្រះសង្ឃ​គង់ចាំព្រះវស្សានៅវត្តខេមរារង្សីសាជីវកម្មអេស៊ីធី ប្រចាំរដ្ឋធានីកង់ប៉េរ៉ា-Canberra ប្រទេសអូស្ត្រាលី ដោយមានការចូលរួមពី ឯកឧត្តម ឈួន វិន អនុប្រធានក្រុមការងាររៀបចំអង្គការចាត់តាំង​យុវជន​គណបក្សនៅប្រទេសអូស្ត្រាលី ​និងនូវ៉ែលហ្សេឡង់ ​និងជាប្រធានតំបន់១ និងឯកឧត្តម លោកជំទាវ លោក លោកស្រី កញ្ញា ដែលជាអនុប្រធាន សមាជិក-សមាជិកានៃក្រុមការងាររៀបចំអង្គការចាត់​តាំង គណៈកម្មាធិការសាខាគណបក្ស និងក្រុមការងារយុវជន៕