សហរដ្ឋអាមេរិក៖ ក្រុមអាជ្ញាធរបាននិយាយកាលពីថ្ងៃអាទិត្យថា បុរសស្បែកខ្មៅម្នាក់គ្មានអាវុធក្នុងដៃត្រូវបានបាញ់ស្លាប់ នៅពេលនគរបាលក្នុងរដ្ឋ Ohio បានដេញតាមរូបគេដោយថ្មើរជើង។
នគរបាលទីក្រុង Akron បានបញ្ចេញវីដេអូពីការតាមស្វែងរក និងសម្លាប់បុរសស្បែកខ្មៅវ័យ ២៥ឆ្នាំឈ្មោះ Jayland Walker។ Walker បានស្លាប់ក្នុងការបាញ់រះ ក្រោយការតាមស្វែងរកដោយថ្មើរជើង និងរថយន្តកាលពីថ្ងៃទី២៧ ខែមិថុនា។ ក្រុមអាជ្ញាធរបាននិយាយថា ក្រុមមន្ត្រីបានជឿថា ជនរងគ្រោះបានបាញ់នគរបាលមុនចេញពីរថយន្ត និងបារម្ភថាបុរសនោះបាញ់លើពួកគេម្ដងទៀត។ ពួកគេបាននិយាយថា ក្រុមមន្ត្រីបានព្យាយាមបញ្ឈប់រថយន្តរបស់ Walker ដោយសារមិនគោរពច្បាប់ចរាចរណ៍ និងបើកបំពាន ប៉ុន្តែទំនងជាមានការបាញ់ប្រហារពីរថយន្តនោះ បានធ្វើឲ្យផ្លាស់ប្ដូរទម្លាប់នៃការឈប់ចតធម្មតាទៅជាបញ្ហាសុវត្ថិភាពសាធារណៈ។
នគរបាលបាននិយាយថា ប៉ុន្មាននាទីក្រោយមករថយន្តនេះបានបន្ថយល្បឿន ហើយ Walker ចេញពីរថយន្តដែលនៅតែបញ្ឆេះម៉ាស៊ីនដោយពាក់ម៉ាស់ និងរត់គេច។ គេមិនច្បាស់ទេថា តើមានប៉ុន្មានគ្រាប់ត្រូវបានបាញ់ចេញពីកងកម្លាំងនគរបាលចំនួន ៨នាក់ដែលបានចូលរួមក្នុងសកម្មភាព ប៉ុន្តែ Walker ទ្រាំបាននឹងស្នាមរបួសជាង ៦០គ្រាប់។ មេធាវីគ្រួសាររបស់ Walker បាននិយាយថា បុរសស្បែកខ្មៅរូបនេះដេកដួលលើដី ខណៈក្រុមមន្ត្រីនៅតែបន្តបាញ់ស្រោច។ កាំភ្លើងខ្លីមួយដើម ទស្សនាវដ្ដីមួយក្បាល និងចិញ្ចៀនរៀបការមួយវង់ត្រូវបានរកឃើញនៅលើកៅអីរថយន្តរបស់បុរសស្បែកខ្មៅនោះ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
