គម្រោងជួសជុលកំពង់ទឹករបស់ស្ពានហាលនៃប្រាសាទអង្គរវត្ត សម្រេចបានប្រមាណ ៧៥ភាគរយហើយ

2022/07/04 04:17:44 pm        717

សៀមរាប៖ គម្រោងជួសជុលកំពង់ទឹករបស់ស្ពានហាលនៃប្រាសាទអង្គរវត្ត ក្រោមកិច្ចសហប្រតិបត្តិការរវាងអាជ្ញាធរជាតិអប្សរា និងសាកលវិទ្យាល័យសូហ្វីយ៉ា របស់ប្រទេសជប៉ុន បានឈានដល់ដំណាក់កាលសម្រេចប្រមាណ ៧៥ភាគរយហើយ រហូតមកដល់ពេលនេះ ។

លោក អន សុភាពបុរាណវិទូ និងជាប្រធានក្រុមការងារជួសជុលស្ពានហាលអង្គរវត្ត ឱ្យដឹងនៅថ្ងៃទី ៤ខែកក្កដាឆ្នាំ២០២២នេះថា គម្រោងជួសជុលកំពង់ទឹករបស់ស្ពានហាលនៃប្រាសាទអង្គរវត្ត ដែល​ចាប់​ផ្តើមរយៈពេលជាង ៦ខែមកនេះ បានធ្វើការងារជាច្រើនដូចជា រៀប​ជញ្ជាំង ចាក់បេតុង បុកបង្ហាប់​ដីនៅគ្រឹះរបស់កំពង់ទឹកឡើងវិញជាដើមនោះ គឺបានឈានទៅដល់ជិតរួចរាល់។

អ្នកជំនាញរូបនេះ បន្តថា ការងារជួសជុលកំពង់ទឹកនេះ ​គឺដំណាក់កាលដំបូងត្រូវសិក្សាស្រាវជ្រាវ វាយ​តម្លៃលើការខូចខាត ​និងវិធីសាស្រ្តជួសជុលតាំងពីឆ្នាំ២០២១មក ។ ចំណែកឯសកម្មភាព​ជួសជុល​បាន​ចាប់ផ្តើមកាលពីដើមឆ្នាំ២០២២​ ហើយកំពុងបន្តរហូតមកដល់សព្វថ្ងៃនេះ។អ្នកជំនាញនៃការងារជួសជុលរូបនេះ បន្តឱ្យដឹងថា ​កំពង់ទឹករបស់ស្ពានហាលនៃប្រាសាទអង្គរវត្ត មាន​ការខូចខាតជាខ្លាំង ​ជាពិសេស​រចនា​សម្ព័ន្ធ​របស់កំពង់ទឹក​ផ្នែកខាងជើង។

ចំណែកគ្រឹះផ្នែកត្រង់របស់ស្ពានហាល និងកំពង់ទឹកវិញ​ គឺថ្មបាយក្រៀមមានសភាពពុកផុយខ្លាំង តាំង​ពី​កាំថ្មទី១ ដល់កាំទី៤។ ជញ្ជាំង​ផ្នែកខាងជើងរបស់ស្ពានហាលទ្រុឌទ្រោមខ្លាំង បាន​រលុះធ្លាក់​ចូលទៅក្នុងកសិន្ធុស្ទើរតែទាំងស្រុង។ ជញ្ជាំងផ្នែកខាងលិច និងខាងកើតក៏មាន​សភាព​ហែក​ចេញ​ពីគ្នាដែរ។

ក្នុងការងារជួសជុលកំពង់ទឹករបស់ស្ពានហាលនៃប្រាសាទអង្គរវត្តឡើងវិញនេះ គឺតម្រូវឱ្យរុះរើ​ជញ្ជាំង​ផ្នែក​ខ្លះដែលពុកផុយខ្លាំង ​ហើយចាក់បេតុងផ្នែកខាងក្នុងដើម្បីពង្រឹងគុណ​ភាព​ជញ្ជាំង​ឡើងវិញ។ ​ រីឯផ្នែកខាងត្បូងដែលខិតជិតមកផ្នែកត្រង់របស់ស្ពានហាល គឺជញ្ជាំងនៅ​មាន​ស្ថាន​ភាពល្អ ​និងបានរក្សាទុកដដែល ​ដោយគោរពទៅតាមគោលការណ៍ របស់គណៈកម្មាធិការ​អន្តរជាតិ ដើម្បីសម្របសម្រួលកិច្ចគាំពារ និងអភិវឌ្ឍរមណីយដ្ឋានប្រវត្តិសាស្ត្រអង្គរ ហៅកាត់ថាអាយស៊ីស៊ី-អង្គរ។

លោក អន សុភាព ឱ្យដឹងទៀតថា​ កំពង់ទឹករបស់ស្ពានហាលនៃប្រាសាទអង្គរវត្ត មានទំហំ ១២ម៉ែត្របួនជ្រុង ​និងមានសណ្ឋានដូចគ្នាទៅនឹងកំពង់ទឹកផ្នែកខាងត្បូងដែរ ហើយក្រុមការងារ​នឹងខិតខំប្រឹងប្រែងជួសជុល ​ ដើម្បីឈានទៅបញ្ចប់នៅបំណាច់ឆ្នាំ២០២២ខាងមុខ ៕

អត្ថបទដែលទាក់ទង

សម្ដេចធិបតី ហ៊ុន ម៉ាណែត ដឹកនាំកិច្ចប្រជុំត្រួតពិនិត្យវឌ្ឍនភាពរៀបចំសួនឧស្សាហកម្ម និងអភិវឌ្ឍ​វិស័យស្វាយចន្ទីកម្ពុជា
2025/02/07 11:20:26 am        1
ប្រជានេសាទខេត្តកំពង់ឆ្នាំង បានស្ម័គចិត្តប្រគល់អាំងវែទ័រឆក់ត្រីជិត២០០គ្រឿងដល់សមត្ថកិច្ច
2025/02/07 10:00:14 am        1
សម្ដេចតេជោ ហ៊ុន សែន អញ្ជើញជួបពិភាក្សាការងារជាមួយ ឯកឧត្តមបណ្ឌិត សនសៃ ស៊ីផាន់ដន (Sonexay Siphandone) នាយករដ្ឋមន្រ្តីឡាវ
2025/02/07 09:46:27 am        1

បណ្ដាញសង្គម

ព័ត៌មានចុងក្រោយ

​សម្ដេចធិបតី ហ៊ុន ម៉ាណែត ដឹកនាំកិច្ចប្រជុំត្រួតពិនិត្យវឌ្ឍនភាពរៀបចំសួនឧស្សាហកម្ម និងអភិវឌ្ឍ​វិស័យស្វាយចន្ទីកម្ពុជា

2025/02/07 11:20:26 am
​UN បារម្ភពីការនិរទេសជនអាហ្វហ្គានីស្ថានរាប់ពាន់នាក់ ខណៈប៉ាគីស្ថានចេញឱសានវាទក្រោយអាមេរិកផ្អាកការតាំងទីលំនៅ
2025/02/07 10:21:05 am
​ប្រធានាធិបតីប៉ាណាម៉ា ផ្ដាំទៅសហរដ្ឋអាមេរិក៖បញ្ឈប់ 'ការភូតកុហក និងសម្ដីគ្មានការពិត'ស្ដីពីព្រែកជីក
2025/02/07 10:17:02 am
​កងទ័ពរុស្ស៊ី វាយបកលើការវាយលុករបស់កងកម្លាំងអ៊ុយក្រែន នៅក្នុងតំបន់ Kursk
2025/02/07 10:12:53 am
​ក្រុមហាម៉ាសអះអាងថាការធ្វើអត្ថាធិប្បាយរបស់លោក Trump ជាការប្រកាសពីចេតនានៃការឈ្លានពានហ្កាហ្សា
2025/02/07 10:10:01 am

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2025/02/03 11:18:55 pm
​ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »
2025/02/06 12:56:46 pm
​សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន
2025/02/06 05:25:36 am
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2025/02/06 11:26:49 am
​កម្លាំងកងរាជអាវុធហត្ថរាជធានីភ្នំពេញ ចុះឡោមព័ទ្ធសណ្ឋាគារសឹងប៉ាវឡុង និងក្លឹបកំសាន្ត នៅខណ្ឌបឹងកេងកង
2025/02/06 11:47:34 pm

ព័ត៌មានវីដេអូ

​រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

2024/09/02 09:13:57 am
ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់
2023/11/30 02:02:15 am
កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក
2023/06/12 07:57:12 pm
រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ
2022/10/14 08:38:02 am
សម្តេចតេជោ ហ៊ុន សែន អញ្ជើញទទួលទានអាហារពេលព្រឹក ជាមួយប្រធានរដ្ឋវៀតណាម
2022/09/27 09:16:39 am