ភ្នំពេញ៖ ដីទួ អ្នកតារ៉ាញ ដែលជាទីគោរពសក្ការៈរបស់ប្រជាពលរដ្ឋ នៅក្នុងភូមិ ត្រូវបាន​អាជ្ញាធរខណ្ឌពោធិ៍សែនជ័យ លោក ប៉ាង លីដា អភិបាលរងខណ្ឌ ចុះទៅវាស់វែង កាលពីព្រឹកថ្ងៃទី០៦ខែ កក្កដា ឆ្នាំ២០២២ ដើម្បីកំណត់ទំហំអោយបានច្បាស់លាស់ ទុកអភិវឌ្ឍន៍​ធ្វើជាសាលាបុណ្យដែលជាប្រយោជន៍សាធារណៈ។

ដីរួមនោះ ត្រូវបានប្រជាពលរដ្ឋ ឱ្យដឹងថា មានទំហំ ប្រមាណជិត២ពាន់ម៉ែត្រការ៉េ ស្ថិតនៅ ភូមិ ត្រពាំងថ្លឹងទី២ សង្កាត់ចោមចៅ១ ​ខណ្ឌពោធិ៍សែនជ័យ រាជធានីភ្នំពេញ។ការចុះទៅវាស់វែង​ដីរួម​សម្រាប់ធ្វើបុណ្យនេះ ធ្វើឡើងទៅតាមសំណើរ សុំអន្តរាគមន៍របស់មេភូមិ និងប្រជាពលរដ្ឋរស់នៅ ភូមិ ត្រពាំងថ្លឹង១,២,៣,៤ សង្កាត់ចោមចៅទី១ បន្ទាប់ពីដីរួមនោះមានអ្នកដែលមើលថែទាំ កាប់រានដើមឈើ ប៉ុនប៉ងធ្វើប្លង់រំលោភយក ធ្វើជាកម្មសិទ្ធិបុគ្គល។

តាមពាក្យស្នើសុំអន្តរាគមន៍ របស់ប្រជាពលរដ្ឋ ដែលមានស្នាមមេដៃ ចំនួន ១៤នាក់ បានឱ្យដឹងថា ទីតាំង ដីទួលអ្នកតារ៉ាញ ជាទីតាំងមួយ ដែលប្រជាពលរដ្ឋក្នុងសង្កាត់ចោមចៅទី១ តែងតែគោរព​បូជា​នៅទីនោះ ពេលមានពិធីបុណ្យផ្សេងៗ។ ដូច្នេះយើងខ្ញុំទាំងអស់គ្នាជាមេភូមិ និង​ប្រជាពលរដ្ឋ​ដែលរស់នៅ ក្នុងភូមិត្រពាំងថ្លឹង ១,២,៣,៤ សង្កាត់ចោមចៅទី១ សំណូមពរ ដល់រដ្ឋបាល​ខណ្ឌពោធិ៍សែនជ័យ មេត្តាចាត់ក្រុមការងារចុះវាស់វែង និងពិនិត្យ​ផ្ទៀងផ្ទាត់​លើ​ទីតាំងដីទួលអ្នកតា នេះ។ បន្ទាប់ពីមានការស្នើសុំកាលពីថ្ងៃ៣០ខែមិថុនា ឆ្នាំ ២០២២ ​ទើបអាជ្ញាធរខណ្ឌ រួមទាំង​មន្រ្តីជំនាញ​ដឹកនាំ​ដោយលោក ប៉ាង លីដា អភិបាលរងខណ្ឌ ​ពោធិ៍សែនជ័យ បានចុះទៅ​មក​វាស់វែង​នៅពេលនេះ ។ទោះបីជាយ៉ាងណា ​គេពុំទាន់ដឹងថា​ ដីរួមនោះ មានទំហំប៉ុន្មាន​ពិតប្រាកដ​ឡើយ ។

តាមប្រជាពលរដ្ឋ បានឱ្យដឹងថា ដីនោះ ជាដីទួលរួម មានខ្ទមអ្នកតារ៉ាញ ដែល ប្រជាពលរដ្ឋ​គោរពបូជា តាំងពីសង្គមចាស់មកម្លេះ ដោយមានអ្នកភូមិ ៣នាក់ជាអ្នកមើលថែទាំ។ដើមឡើយ ដីនោះ​ មានដើមឈើធំ ៗ នៅកំឡុងឆ្នាំ ២០០០ អ្នកមើលថែ ម្នាក់ក៏បាននាំគ្នាកាប់ដើមឈើរាន ព្រៃ គោលបំណងប្រុងយកធ្វើជាកម្មសិទ្ធផ្ទាល់ខ្លួន ​ហើយប្រជាពលរដ្ឋ ក៏បាននាំគ្នាតវ៉ារារាំង​ព្រោះដីនោះជាដីរួម ។ ​ដោយសារមានការប៉ុនប៉ងរំលោភ​ ដីរួមនោះមក ​ធ្វើជាកម្មសិទ្ធិ មេភូមិ ប្រជាពលរដ្ឋ ក៏​បាននាំគ្នា ផ្តិតមេដៃ ស្នើសុំទៅរដ្ឋបាលខណ្ឌពោធិ៍សែន ​ចុះមកវាស់វែង ទុកជា​សម្បត្តិសាធារណៈ។

តាមប្រជាពលរដ្ឋ បានអោយដឹងទៀតថា ដីរួមនេះ គ្មាននណា ម្នាក់មករំលោភយក ​បាននោះទេ ។ការចុះវាស់វែងនេះ ក្នុងគោលបំណង ​កំណត់ទំហំអោយបានច្បាស់​ ដើម្បីធ្វើការអភិវឌ្ឍ ឈូសឆាយ​អោយបានស្អាតទុកធ្វើជាសាលាបុណ្យ(សាលាឆទាន) ​សម្រាប់ជាប្រយោជន៍​ សាលាធារណៈ។

ក្រៅ ​ពីដីរួមទួលអ្នកតារ៉ាញ នេះ ​អាជ្ញាធរក៏​បានចុះទៅវាស់វែងដីរួមមួយកន្លែង ​ទៀតនៅក្នុងដ្ឋាន សង្កាត់ខាងលើនេះ ​ដែលមានទំហំប្រមាណ ១២ម៉ែត្រគុណ ៣០ម៉ែត្រផងដែរ ៕ អ​ត្ថបទ ៖ ​កុម្ភៈ