​សហរដ្ឋអាមេរិក៖ បទបញ្ជា​ជម្លៀស​ប្រជាជន​ត្រូវបាន​បន្ថែម​ដល់​សហគមន៍​ដាច់ស្រយាល ​នៅ​ជិត​កន្លែង​ភ្លើង​ឆេះ​ព្រៃដែល​កំពុង​ឆាបឆេះ​នៅ​រដ្ឋ​ California​។ ​ការជម្លៀស​ប្រជាជន​ត្រូវបាន​ធ្វើឡើង​សម្រាប់​តំបន់ Amador និង Calaveras។

ក្រសួង​ការពារ​ព្រៃឈើ និង​អគ្គីភ័យ​រដ្ឋ​ California បាន​និយាយថា រថយន្ត​ពន្លត់អគ្គីភ័យ​ជាង 100គ្រឿង, អ្នក​ពន្លត់អគ្គីភ័យ 1,200នាក់ និង​ឧទ្ធម្ភាគចក្រ ​14គ្រឿង​ត្រូវបាន​បញ្ជូនទៅ​តំបន់​ភ្លើង​ឆេះ​ព្រៃ ដែលជា​ការគំរាមកំហែង​ដល់ហេដ្ឋារចនាសម្ព័ន្ធ​ថាមពល​។ ​ភ្លើង​ឆេះ​ព្រៃ​បាន​កើតឡើងនៅ​តំបន់​កម្សាន្ត​មួយកន្លែង​ ដែលមាន​មនុស្ស​ច្រើន​។ មនុស្ស​ចន្លោះ​ពី 85 ទៅ 100​នាក់កំពុង​រៀបចំ​កម្មវិធី​មួយ​នៅ​ជិត​ទន្លេ ដែល​ត្រូវបាន​បង្ខំ​ឱ្យ​ជម្លៀស​ខ្លួន​ទៅកាន់​រោងចក្រ Pacific Gas & Electric Co​។ លោក Gary Redman អធិកា​តំបន់ Amador និយាយថា មនុស្ស​ត្រូវបាន​ជម្លៀសចេញ​ដោយ​សុវត្ថិភាព ហើយ​លោក​ Redman បាន​និយាយថា​ ការបាញ់​កាំជ្រួច ឬ​ការ​អាំង​សាច់​គឺជា​មូលហេតុ​ដែលអាច​កើតមាន​អគ្គីភ័យ៕

អត្ថបទ៖ ប៊ុនថន