អន្ដរជាតិ៖ អភិបាលខេត្ត Donetsk លោក ប៉ាវឡូ គីរីឡេនកូ (Pavlo Kyrylenko) បាននិយាយថា ការនាំប្រជាជនចេញពីខេត្តរបស់លោក គឺចាំបាច់បំផុត ដើម្បីសង្គ្រោះជីវិតនិងធ្វើឱ្យកងទ័ពអ៊ុយក្រែនកាន់តែប្រសើរឡើងដើម្បីការពារទីក្រុងនានាពីការរុលទៅមុខរបស់រុស្ស៊ី។ ​

ការអំពាវនាវ​​របស់​​​​អភិបាល​ខេត្តដល់​ប្រជាពលរដ្ឋ​ក្នុង​​តំបន់ Donetskឲ្យចាកចេញពី​​​​ខេត្តនេះ ទំនងជា​​ការស្នើ​សុំឲ្យមានការជម្លៀស​មនុស្ស​ដ៏ច្រើន​បំផុតមួយ ​ក្នុងចំណោមការជម្លៀស​ដ៏ច្រើន​បំផុត ដោយសារសង្រ្គាម​ ដែល​ជនស៊ីវិលអ៊ុយក្រែន​ ​ជាង​៧​លាន​១​សែននាក់ ​​បានភៀសខ្លួន​​​នៅក្នុង​​ប្រទេស​ ​ ​ និង​​បណ្ដាលឲ្យ​មនុស្ស​ជាង​ ៤​លាន​ ៨សែននាក់ បន្ថែមទៀត ​ចាកចេញពី​ប្រទេស​​​។ នេះបើយោងតាម​​​អង្គការសហប្រជាជាតិ៕​