អន្ដរជាតិ៖ ក្រសួងការបរទេស​ចិន​​​បានអះអាងថា សហរដ្ឋអាមេរិក ​​និង​​សម្ព័ន្ធណាតូ ​​​បាន​​ធ្វើឲ្យសន្តិភាពពិភពលោ​កដើរថយក្រោយ​ ដោយ​ការ​បង្កើតឲ្យមានជម្លោះ ​​និង​​បំពក់ភ្នក់ភ្លើងសង្រ្គាម​​​ បម្រើឲ្យ​ផលប្រយោជន៍​អាត្មានិយម​​របស់​ទីក្រុង​ Washington លើ​ការចំណាយអាយុជីវិត​​​​ជនស៊ីវិល​ស្លូតត្រង់​ទូទាំង​ពិភពលោក។​

អ្នកនាំពាក្យក្រសួងការបរទេសចិន លោក ចាវ លីចៀន (Zhao Lijian) បានប្រាប់អ្នកយកព័ត៌មានកាលពីថ្ងៃពុធ ថា ប្រវត្តិសាស្ត្ររបស់អង្គការណាតូ គឺចូលចិត្ត​បង្កើតជម្លោះ និងបំពក់ភ្លើងសង្រ្គាម ការ​បង្កើត​សង្គ្រាម និងការសម្លាប់ជនស៊ីវិលស្លូតត្រង់តាមអំពើចិត្ត សូម្បីតែ​សព្វថ្ងៃនេះក៏ដោយ​៕