អន្ដរជាតិ៖ លោក Boris Johnson បានប្រកាសជាផ្លូវការ​លាលែងចេញពីតំណែងរបស់លោកជានាយករដ្ឋមន្រ្តីអង់គ្លេស និងជាមេដឹកនាំគណបក្សអភិរក្សនិយម ប៉ុន្តែលោកបន្តថា លោកនឹងនៅបន្តកាន់តំណែងជានាយករដ្ឋមន្រ្តីស្តីទី រហូតដល់​គណបក្ស Tories បោះឆ្នោតជ្រើសរើសមេដឹកនាំថ្មី ។ ស្របពេលដែលរូបលោក មិន​បាន​កំណត់​ពេល​វេលា​ជាក់លាក់​សម្រាប់​ការ​ជំនួស​តំណែងរបស់លោក លោក Johnson បាននិយាយយ៉ាងទទួចថា វាគឺជាការងារដ៏អស្ចារ្យបំផុត​នៅលើពិភពលោក ហើយលោកបានដាក់ការស្តីបន្ទោសលើផ្នត់គំនិតហ្វូងសត្វ នៅសភាអង់គ្លេស សម្រាប់ការបង្ខំឲ្យរូបលោកចាកចេញពីតំណែងបែបនេះ ៕