​អ៊ុយ​ក្រែ​ន៖ ឧបនាយករដ្ឋមន្ត្រី​អ៊ុយ​ក្រែ​ន កាលពី​ថ្ងៃអាទិត្យ​បាន​ជំរុញ​ជន​ស៊ីវិល​ក្នុង​តំបន់ Kherson ភាគខាងត្បូង​គ្រប់គ្រង​ដោយ​រុស្ស៊ី​ចាកចេញ​ភ្លាមៗ ស្រប​ពេល​កម្លាំង​អ៊ុយ​ក្រែ​ន​កំពុង​ត្រៀម​វាយបក​លើ​កងកម្លាំង​រុស្ស៊ី​នៅ​ទីនោះ​។ ​អ៊ុយ​​ក្រែ​ន​បាន​បាត់បង់​ការគ្រប់គ្រង​ភាគច្រើន​នៃ​សមុទ្រ​ខ្មៅ​របស់​តំបន់ ​Kherson​ រួម​ទាំង​ទីក្រុង Kherson ផងដែរ​នៅក្នុង​រយៈពេល​ប៉ុន្មាន​សប្ដាហ៍​ដំបូង ក្រោយ​ការវាយលុក​របស់​រុស្ស៊ី​កាលពី​ថ្ងៃទី​២៤​កុម្ភៈ​។

លោកស្រី​ឧបនាយករដ្ឋមន្ត្រី Iryna Vereshchuk បាន​ថ្លែង​នៅ​លើ​កញ្ចក់​ទូរទស្សន៍​ជាតិថា វា​ច្បាស់​ណាស់​ថា​នឹង​មាន​ឆាក​ប្រយុទ្ធ​គ្នា វា​នឹងមាន​ការវាយប្រហារ​ដោយ​គ្រាប់កាំភ្លើង​ធំ ហើយ​យើង​ជំរុញ​ដល់​ប្រជាពលរដ្ឋ​ឲ្យ​ចាក់ចេញ​ជាបន្ទាន់។ លោកស្រី​ថា លោកស្រី​មិនអាច​និយាយ​ថា​ ការ​វាយ​ប្រហារ​ប្រឆាំង​ការ​រុល​ទៅ​មុខ​នឹង​កើតឡើង​ពេលណា​ឲ្យ​ប្រាកដ​នោះទេ​។ លោកស្រី​បន្ថែម​ថា ខ្ញុំ​ដឹង​ច្បាស់​ណាស់​ថា​មិនគួរ​មាន​ស្ត្រី និង​កុមារ​រស់នៅ​ទីនោះ​ទេ ហើយ​ថា​ ពួកគេ​មិន​គួរ​ក្លាយ​ជា​ខែល​មនុស្ស​ឡើយ​។

​តំបន់ Kherson រួមទាំង​ទីក្រុង Kherson មាន​ប្រជាជន​រស់នៅ​ជិត 300,000​នាក់មុនពេល​មាន​សង្គ្រាម។ គេ​មិនដឹង​ទេ​ថា ​តើ​មាន​ប្រជាពលរដ្ឋ​ប៉ុន្មាន​នាក់​នៅតែ​បន្ត​រស់នៅក្នុង​ទីក្រុង​នោះ​។ ​ក្រុម​អាជ្ញាធរ​តំបន់ Kherson ដែល​លើក​បន្តុប​ដោយ​រុស្ស៊ី​និយាយ​ថា ពួកគេ​ចង់​ធ្វើ​ប្រជាមតិ​ស្តីពី​ការ​បំបែក​ខ្លួន​ទៅ​ជា​មួយ​រុស្ស៊ី ប៉ុន្តែ​ពួកគេ​មិនទាន់​កំណត់​កាលបរិច្ឆេទ​នៅឡើយ​ទេ​។ វិមាន​ក្រឹម​ឡាំង​និយាយ​ថា អនាគត​របស់​តំបន់​នេះ​គួរតែ​ត្រូវ​បាន​កំណត់​ដោយ​អ្នកស្រុក​របស់ខ្លួន​៕

អត្ថបទ៖ សុខមាន