ភ្នំពេញ៖ អគ្គនាយកដ្ឋានពន្ធដារកម្ពុជា បានប្រកាសពីការប្រមូលពន្ធលើដីធ្លី និងអចលនទ្រព្យ សម្រាប់ឆ្នាំ២០២២ ដោយកំណត់យកថ្ងៃទី៣០ ខែកញ្ញា ឆ្នាំ២០២២ខាងមុននេះ ជាថ្ងៃផុតកំណត់។ 

អគ្គនាយកដ្ឋានពន្ធដារអះអាងថា ចំពោះម្ចាស់ដីធ្លី ឬអចលនទ្រព្យណាដែលខកខានបង់ពន្ធទាន់ពេលវេលាដែលបានកំណត់នេះ នឹងត្រូវរងនូវទោសទណ្ឌតាមច្បាប់ជាធរមាន។ 

អគ្គនាយកដ្ឋានពន្ធដារធ្លាប់បានកំណត់ថា សម្រាប់អចលនទ្រព្យដែលត្រូវបានលើកលែងពន្ធ និងការអនុគ្រោះពន្ធមានដូចជា ដីធ្លីធ្វើកសិកម្ម ដែលកំពុងបង្កបង្កើនផល, អចលនទ្រព្យដែលជាកម្មសិទ្ធិរបស់រដ្ឋាភិបាល ឬស្ថាប័នរដ្ឋ ឬដីធ្លីដែលរដ្ឋាភិបាលដែលជួលឱ្យក្រុមហ៊ុនឯកជនសម្រាប់ធ្វើអាជីវកម្ម និងសំណង់ដែលកំពុងសាងសង់បានតិចជាង៨០ភាគរយ។ នៅមានអចលនទ្រព្យមួយចំនួនទៀតដូចជា អចលនទ្រព្យកម្មសិទ្ធិរបស់បេសកកម្មការទូត អង្គការអន្តរជាតិ ឬទីភ្នាក់ងារសហប្រតិបត្តិការបច្ចេកទេសរបស់រដ្ឋាភិបាលជាដើម។ ជាមួយគ្នា ហេដ្ឋារចនាសម្ព័ន្ធផ្សេងៗ រូមនឹងអចលនទ្រព្យដែលបានរងការខូតខាតដោយសារតែគ្រោះមហន្តរាយផ្សេងៗក៏ត្រូវបានលើកលែងការបង់ពន្ធដែរ៕