​បាល់ទាត់៖ ​អ្នកគាំទ្រ​ក្លិប​អង់គ្លេស Manchester City បាន​បង្ហាញ​គំនិត​សុទិដ្ឋិនិយម​ ពី​ការ​ស្វាគមន៍​ខ្សែប្រយុទ្ធ​ណ័​រវេ​យ Erling Haaland​ ប្រសិនបើ​ការ​ផ្លាស់ប្ដូរ​ពិតជា​កើតមានឡើង​ពិតមែន​។ ​ខ្សែប្រយុទ្ធ​ជួរមុខ និង​ស៊ុត​បញ្ចូល​ទី​ច្រើន​ជាង​គេ​ក្នុង​ប្រវត្តិសាស្ត្រ Manchester City, Sergio Aguero​ ត្រូវ​បាន​ក្លិប​ប្រកាស​ជា​ផ្លូវការ​នៅ​ថ្ងៃ​ចន្ទ​កន្លងទៅ​ ពី​ការ​ចាក​ចេញ​របស់​ខ្សែប្រយុទ្ធ​អា​ហ្ស​ង់​ទីន​រូប​នេះ​ក្រោយ​ចប់​រដូវ​កាល​នេះ​។​

​​ចំនុច​នេះ​អ្នកគាំទ្រ Manchester City ម្នាក់​គិត​ថា Erling Haaland​ ជា​បេក្ខភាព​សក្ដិសម​បំផុត​។ សូម​បញ្ជាក់​ថា កីឡាករ​វ័យ​ទើបតែ ២០ឆ្នាំ Erling Braut Haaland​ បាន​ផ្លាស់​ពី​ក្លិប​អូទ្រីស RB Salzburg មក​កាន់ Borussia Dortmund ឆ្នាំ២០២០ ដោយ​ស៊ុត​បញ្ចូល​ទី​បាន ៣៦គ្រាប់​ក្នុង​ការ​បង្ហាញខ្លួន ៣៤​ប្រកួត​មកដល់ពេលនេះ​។ ​ការ​ចង់​បាន​របស់ Manchester City ក៏​ប្រឈម​នឹង​ការ​លំបាក​ដែរ​ ដោយ​ក្លិប​ធំៗ​ជា​ច្រើន​សុទ្ធតែ​ព្យាយាម​នាំ​យក​កីឡាករ​ ដែល​មាន​ដើមកំណើត​នៅ​ទឹកដី​អង់គ្លេស​រូប​នេះ​ដូចជា Manchester City និង Chelsea ជាដើម​៕

​អត្ថបទ​៖​នាង សុភា​វុ​ធ