ភ្នំពេញ ៖ ក្រុមហ៊ុន ជីប ម៉ុង រីថែល បានចុះអនុស្សារណៈនៃការយោគយល់គ្នាជាមួយក្រុមហ៊ុន៩ធំៗ ដែលនាំយកនូវម៉ាកអាជីវកម្មជាង៣០បន្ថែមទៀត សម្រាប់ប្រតិបត្តិការមណ្ឌលផ្សារទំនើបខ្នាតយក្ស ២៧១ មេហ្គាម៉ល ដែលប្រកបដោយសក្ដានុពលប្រសិទ្ធិភាព និង ភាពស៊ីវិល័យ, នាថ្ងៃទី១៩ ខែកក្កដា ឆ្នាំ២០២២នេះ នៅសណ្ឋាគារហៃយ៉ាត់រេជិនស៊ី ភ្នំពេញ។

​ដោយគិតត្រឹមរយៈពេល២ខែ ចុងក្រោយមណ្ឌលផ្សារទំនើបខ្នាតយក្ស ជីប ម៉ុង ២៧១ មេហ្គាម៉លបានចុះអនុស្សារណៈ នៃការយោគយល់ជាមួយម៉ាកអាជីវកម្មធំៗជាង៥០។

លោក Arnaud Dufresne អគ្គនាយកក្រុមហ៊ុន ជីប ម៉ុង រីថែល បានមានប្រសាសន៍ថា ការចុះអនុស្សារណៈនៃការយោគយល់នេះ ធ្វើឡើងក្នុងគោលបំណង៣ធំៗ៖ ទី១ គឺដើម្បីបង្ហាញពីការចាប់ដៃគ្នារវាងជីប ម៉ុង រីថែល និងដៃគូក្នុងការផ្ដល់ជូននូវផលិតផលសេវាកម្ម និងបទពិសោធន៍ដែលមានគុណភាពខ្ពស់ ជូនអតិថិជន។​ ទី២ គឺសបញ្ជាក់ពីទំនុកចិត្តរបស់ក្រុមហ៊ុនធំៗទាំងអស់ មកកាន់មណ្ឌល​ផ្សារទំនើបខ្នាតយក្សជីប​ ម៉ុង ២៧១ មេហ្គាម៉ល​ និងទី៣ គឺបង្ហាញនូវការតាំងចិត្ត ជាធ្លុងមួយក្នុងការបង្កើនសក្ដានុពលរបស់វិស័យលក់រាយនៅកម្ពុជា។ ក្រុមហ៊ុនដែលបានចុះអនុស្សារណៈ នៃការយោគយល់នៅថ្ងៃនេះ មកពីវិស័យ៤ធំៗ រួមមាន វិស័យម្ហូបអាហារ និងភេសជ្ជៈ វិស័យសម្លៀកបំពាក់ វិស័យថែរក្សាសម្រស់ និងវិស័យផ្គត់ផ្គង់គ្រឿងបរិក្ខារអេឡិចត្រូនិច។ ក្រុមហ៊ុន៥ធំៗ ដែលស្ថិតក្នុងវិស័យម្ហូបអាហារ​ និងភេសជ្ជៈ នឹងនាំយកនូវម៉ាកម្ហូបអាហារ​ និងភេសជ្ជៈល្បីៗចំនួន១០មកកាន់ មណ្ឌលផ្សារទំនើបខ្នាតយក្ស​ ជីប​ ម៉ុង ២៧១ មេហ្គាម៉ល​នេះ។​ ម៉ាកទាំងនោះរួមមាន​ហាងមាន់បំពង Master Grill, ហាងស៊ុប Master Suki Soup និងហាងប៊ូហ្វេ Sakura របស់ក្រុមហ៊ុនMaster Group, ហាងលក់គ្រឿងសមុទ្រ Fun Crab, ហាងបឺហ្គឺរ Qyubies និងហាងជប៉ុន Hiko Teppanyaki របស់ក្រុមហ៊ុនFun Food Co., Ltd, ហាងលក់មុខម្ហូបអាស៊ី The Asian Kitchen និង​ ហាងនំបុ័ង Tous lesJours របស់ក្រុមហ៊ុន Yinkok Food Corp, ហាងជប៉ុន Yuzu Suki និងហាងកាហ្វេល្បីរបស់អាមេរិក Starbucks។​

លោក អគ្គនាយកក្រុមហ៊ុន ជីប ម៉ុង រីថែល បានលើកឡើងទៀតថា អ្វីដែលកាន់តែពិសេសជាងនេះទៅទៀតនោះគឺ ក្រុមហ៊ុនចំនួន៤ស្ថិតក្នុងវិស័យផ្សេងគ្នា ដូចជា៖ ក្រុមហ៊ុនលក់សម្លៀកបំពាក់ Zando Group រួមមានម៉ាក Ten11, 361°​ និង Routine, ក្រុមហ៊ុនចែកចាយម៉ូដស្បែកជើងទំនើបៗ Rich Avenueរួមមានម៉ាកConverse, Geox, Ecco, Barrel និង Havaianas, ក្រុមហ៊ុនថែរក្សា និងច្នៃម៉ូដសក់ Leekajaនិងក្រុមហ៊ុនផ្គត់ផ្គង់សម្ភារៈក្នុងផ្ទះ និងគ្រឿងអេឡិចត្រូនិច Kfour ក៏នឹងមានវត្តមានក្នុងមណ្ឌលផ្សារទំនើបខ្នាតយក្ស ២៧១ មេហ្គាម៉លផងដែរ។

ក្រោមកិច្ចសហការជាមួយក្រុមហ៊ុន ជីប ម៉ុង រីថែល តំណាងនៃក្រុមហ៊ុននីមួយៗ សុទ្ធតែបង្ហាញនូវទំនុកចិត្តខ្ពស់ និងភាពជឿជាក់ខ្លាំងក្នុងការទទួលបានជោគជ័យក្រោមហេតុផលដូចខាងក្រោម៖

មណ្ឌលផ្សារទំនើបខ្នាតយក្ស ២៧១ មេហ្គាម៉ល មានទីតាំងល្អ ដែលស្ថិតនៅក្នុងតំបន់កណ្តាល នៃទីក្រុងភ្នំពេញ ជាបណ្តុំសេដ្ឋកិច្ច ក៏ដូចជាផ្តល់នូវភាពងាយស្រួល ដល់ការធ្វើដំណើររបស់ភ្ញៀវដែលនាំមកនូវភាពអ៊ូអរចំពោះអាជីវកម្មផ្សេងៗ។

ផ្សារទំនើបនេះមានទំហំធំទូលាយ ការរចនាទំនើប ប្លែកភ្នែកទាំងខាងក្នុង និងខាងក្រៅ ផ្តល់នូវការទាក់ទាញ សោភ័ណ្ខភាពថ្មី និងសម្បូរបែប។

ម៉ាកអាជីវកម្មដទៃជាច្រើនទៀត ដែលមានវត្តមានក្នុងមណ្ឌលផ្សារទំនើប​នេះ សុទ្ធតែជាម៉ាកធំៗដែលមានកេរ្តិ៍ឈ្មោះល្បីល្បាញទាំងក្នុង និងក្រៅស្រុក។

បន្ថែមពីនេះជីប ម៉ុង រីថែល គឺជាពាណិជ្ជកម្មមួយ របស់ក្រុមហ៊ុន ជីប ម៉ុង ដែលបានចាក់ឫសយ៉ាងរឹងមាំក្នុងទីផ្សារកម្ពុជា និងបានបន្តពង្រីកខ្លួនកាន់តែធំក្នុងការក្ដោបក្ដាប់ពាណិជ្ជកម្មយ៉ាងច្រើនវិស័យ។ ភាពរឹងមាំរបស់ក្រុមហ៊ុន ជីប ម៉ុង បានផ្ដល់ទំនុកចិត្តកាន់តែខ្លាំងដល់ដៃគូអាជីវកម្មទាំងអស់។

ក្រុមហ៊ុនទាំងអស់សុទ្ធតែនាំមកនូវការរចនា ភាពច្នៃប្រឌិត និងលក្ខណៈពិសេសប្លែកៗ ដែលមិនធ្លាប់មានពីមុន មកកាន់មណ្ឌលផ្សារទំនើបខ្នាតយក្ស ២៧១ មេហ្គាម៉ល ដែលនឹងបើកដំណើរការនៅពេលឆាប់ៗខាងមុខនេះ។ សម្រាប់ព័ត៌មានលម្អិតអំពីការជួលទីតាំងអាជីវកម្មនៅក្នុងមណ្ឌលផ្សារទំនើបខ្នាតយក្ស ជីប ម៉ុង២៧១ មេហ្គាម៉ល សូមទាក់ទងតាមរយៈ066 922 888/085 922 888/093 922 888ឬអ៉ីម៉ែល[email protected]ឬហ្វ៊េសប៊ុកផេកChip Mong 271 Mega Mall https://www.facebook.com/chipmong271megamall៕​អត្ថបទ ៖ រដ្ឋា