ឧត្តរមានជ័យ៖ ភ្លៀងធ្លាក់ជាប់ៗគ្នារយៈពេលប៉ុន្មានថ្ងៃក្នុងខេត្តឧត្តរមានជ័យ បណ្តាឱ្យទំនប់អាងស្តុបទឹកតាម៉ុក ស្ថិតនៅចំណុចឃុំអន្លង់វែង ស្រុកអន្លង់វែង ខេត្តឧត្តរមានជ័យ មានកំរិតកម្ពស់ទឹកបានហក់ឡើង មានកម្ពស់រហូតដល់ ៣.៥៤ម៉ែត្រ ស្ថានភាពបែបនេះ មិនទាន់ដល់កម្រិតទឹកគួរឲ្យមានការប្រុងប្រយ័ត្ននោះទេ​។

ជាមួយគ្នានោះដែរលោក ញឺន កួន ប្រធានមន្ទីរធនធានទឹក និងឧតុនិយមខេត្តឧត្តរមានជ័យ បាន​ប្រាប់ថា ដោយ​មានភ្លៀងធ្លាក់​ជាប់ៗគ្នាប៉ុន្មានថ្ងៃនេះ ក្នុងភូមិសាស្រ្តខេត្តឧត្តរមានជ័យ​បណ្តា​ឲ្យស្ថានភាពនៃកម្រិតកម្ពស់ទឹកនៅក្នុងអាងទំនប់អាងស្តុបទឹកតាម៉ុកមានការហក់ឡើងពេញប្រៀបដោយមានកម្រិតកម្ពស់ទឹកត្រឹម ៣.៥៤ម៉ែត្រស្ថានភាពនៅធម្មតា ​កម្រិតកម្ពស់ទឹកដែលត្រូវឲ្យមាន​ការ​ប្រុងប្រយ័ត្ននោះគឺកម្រិតកម្ពស់ទឹក៣.៨៥ ម៉ែត្រ​ដែលជាកម្រិតត្រូវឲ្យមានការប្រុងប្រយ័ត្ន​ប្រកាសអាសន្ន។

លោកប្រធានមន្ទីរធនធានទឹក និងឧតុនិយមខេត្ត បានបន្តថា ​កម្រិតកម្ពស់ទឹក​សម្រាប់ព្រឹកថ្ងៃទី ២០វេលាម៉ោង១២នេះ គឺកម្រិតកម្ពស់ទឹកនៅត្រឹមកម្រិតកម្ពស់ ៣.៣៥ ស្ថានភាព​ស្រុកចុះខ្លះហើយ​និងមិន​មាន​បញ្ហា​អ្វី​ខូចខាតដល់ផលដំណាំ​របស់​បងប្អូនប្រជាកសិករ​ដែលរស់នៅ​តាមតំបន់​វាលទំនាប​ផ្នែកខាងក្រោមនោះឡើយ៕ អត្ថបទ៖ សារិទ្ធិ