​បាល់ទាត់៖ ខ្សែប្រយុទ្ធ Bayern Munich, Robert Lewandowski នឹងត្រូវ​សម្រាក​យ៉ាងហោចណាស់ ១ខែ​ដោយសារ​របួស​ជង្គង់ ដែល​នឹងធ្វើ​ឲ្យ​ខកខាន​មិនបាន​ជួយ​ក្រុម​ពេល​ជួប Paris Saint Germain ​វគ្គ ៨ក្រុម​ចុងក្រោយ UEFA Champions League​។

​​កីឡាករ​វ័យ ៣២ឆ្នាំ​រូបនេះ​បានទទួល​រងរបួស​នេះ ​ក្នុងការ​ប្រកួត​ចុង​សប្តាហ៍​កន្លងទៅ ​ដែល​ប៉ូឡូញ​យកឈ្នះ​អង់​ដូ​រ៉ា ៣-០ ខណៈ​អតីត​ខ្សែប្រយុទ្ធ Dortmund រូបនេះ​រកបាន​ ២​គ្រាប់​ម្នាក់ឯង​។ ​​ដំបូង​សហព័ន្ធ​បាល់ទាត់​ប៉ូឡូញ​បាន​បញ្ជាក់ថា របួស​ជង្គង់​របស់ Lewandowski មិន​ធ្ងន់ធ្ងរ​ឡើយ ​តែ​ត្រូវ​សម្រាក​យ៉ាងហោចណាស់ ១០ថ្ងៃ​ប៉ុណ្ណោះ តែ​ក្រោយ​ការពិនិត្យ​ព្យាបាល​ដោយ​ក្រុម​គ្រូបង្វឹក Bayern Munich ឃើញថា​ របួសជង្គង់​នេះ​ជាក់ស្តែង​ត្រូវ​សម្រាក​ដល់​ទៅ ១ខែ​។

​​Bayern Munich នឹងត្រូវ​ទៅ​ទឹកដី​ក្រុម​លេខ២ Leipzig នៅ Bundesliga ចុង​សប្តាហ៍​នេះ មុនពេល​បន្ត​ទទួលភ្ញៀវ Paris Saint Germain ​ហើយនឹង​ត្រលប់​ទៅ​ទឹកដី​បារាំង​វិញ​ថ្ងៃទី១៣ ខែមេសា​។ ​​របួស​របស់ Lewandowski នេះដែរ​ប្រសិន Bayern Munich អាច​ឡើងដល់​វគ្គ​ពាក់​កណ្តាល​ផ្តាច់ព្រ័ត្រ​នោះ ក៏​នឹងត្រូវ​អវត្តមាន​នៅ​ជើង​ទី១ ដែរ​ដោយ Bayern Munich រឺ PSG ត្រូវ​ជួប Man City ​រឺ Dortmund៕

​អត្ថបទ​៖​នាង សុភា​វុ​ធ