សហរដ្ឋអាមេរិក៖ ក្រសួងការបរទេសសហរដ្ឋអាមេរិកបាននិយាយកាលពីថ្ងៃអង្គារថា មនុស្ស 25លាននាក់នៅជុំវិញពិភពលោកគឺជាជនរងគ្រោះនៃការជួញដូរមនុស្ស រួមទាំងប្រជាជនអ៊ុយក្រែនច្រើននាក់ដែលងាយរងគ្រោះ បន្ទាប់ពីការវាយលុករបស់រុស្ស៊ី។
ក្នុងអំឡុងពេលនៃការចេញផ្សាយរបាយការណ៍ប្រចាំឆ្នាំរបស់ខ្លួនស្តីពីការជួញដូរមនុស្ស រដ្ឋមន្ត្រីការបរទេសសហរដ្ឋអាមេរិកលោក Antony Blinken បានផ្តល់កិត្តិយសដល់ក្រុមសកម្មជនប្រឆាំងការជួញដូរមនុស្ស។ របាយការណ៍របស់សហរដ្ឋអាមេរិកបានដាក់ប្រទេសរុស្ស៊ី ក្នុងបញ្ជីប្រទេសដែលពាក់ព័ន្ធក្នុងគោលនយោបាយនៃការជួញដូរមនុស្ស ពលកម្មដោយបង្ខំ ឬកងកម្លាំងសន្តិសុខ ឬក្រុមប្រដាប់អាវុធរបស់ខ្លួនដែលគាំទ្រដោយរដ្ឋាភិបាលក្នុងការជ្រើសរើស ឬប្រើប្រាស់ទាហានកុមារ។
រុស្សីមានជាញឹកញាប់តាមរយៈរបាយការណ៍ ដោយសារតែការវាយលុកលើអ៊ុយក្រែនចាប់តាំងពីថ្ងៃទី24 ខែកុម្ភៈ និងជាអ្វីដែលឯកសារបានចាត់ទុកថា ភាពងាយរងគ្រោះចំពោះការជួញដូរមនុស្សនៃជនភៀសខ្លួនអ៊ុយក្រែនរាប់លាននាក់ ដែលបានភៀសខ្លួនចេញពីប្រទេសរបស់ពួកគេ។ ស្ថានទូតរុស្ស៊ីនៅទីក្រុងវ៉ាស៊ីនតោនមិនបានឆ្លើយតបភ្លាមៗ ចំពោះសំណើសុំការអត្ថាធិប្បាយលើការចោទប្រកាន់នៅក្នុងរបាយការណ៍នេះទេ។ របាយការណ៍នេះក៏មានបញ្ជីដាច់ដោយឡែកពីគ្នានៃប្រទេសចំនួន 12 ដែលបានជួល ឬជ្រើសរើសទាហានកុមារ ដែលវារួមបញ្ចូលទាំងប្រទេសរុស្ស៊ី៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
