មណ្ឌលគិរី៖ នៅរសៀលថ្ងៃ២០ កក្កដា ២០២២ មន្ត្រីជំនាញគ្រប់ផ្នែកពាក់ព័ន្ធ បាននឹងកំពុងចុះពិនិត្យឃ្លាំងគ្រឿងសំណង់មួយកន្លែង ដែលមុននេះបន្តិចនៅលើទីតាំងនេះ បានបាក់រលំស៊ីទែនផ្ទុក​ស៊ីម៉ង់​ដ៏ធំ បង្កភាពភ័យខ្លាចដល់ប្រជាពលរដ្ឋរស់នៅជិតខាង ។

ទីតាំងដែលបានបាក់ស៊ីទែនផ្ទុក​ស៊ីម៉ង់​​នេះ មានយីហោ ឆៃលី​ ស្ថិតនៅភូមិចំការតែ សង្កាត់ស្ពានមានជ័យ ក្រុងសែនមនោរម្យ ។

តាមការបញ្ជាក់របស់មន្ត្រីជំនាញ មូលហេតុដែលបានរលំ ស៊ីទែនស៊ីម៉ង់ អាចបណ្ដាលមក​ពី​ការសាងសង់គ្មាន​លក្ខណៈបច្ចេលទេសគ្រប់គ្រាន់​ ព្រោះ​សំណង់នេះ​គ្មានច្បាប់ ​ហើយមន្ត្រីជំនាញ​ធ្លាប់​អញ្ជើញ​ម្ចាស់ឃ្លាំងសំណង់​ឆៃលីនេះ មក​ជួបពិភាក្សារឿង​សំណង់​គ្មាន​ច្បាប់ជាច្រើន​លើក​មកហើយ​ តែម្ចាស់ទីតាំងមិនសហការ៕