ស្រីលង្កា ៖ នៅថ្ងៃព្រហស្បតិ៍នេះ អ្នកនយោបាយជើងចាស់ រ៉ានី វីករ៉េមីស៊ីញ (RanilWickremesinghe) បានស្បថសច្ចា​ប្រណិធានចូលកាន់តំណែងជាប្រធានាធិបតីថ្មីស្រីលង្កា ដើម្បីទទួលយកការងារប្រទេសជាតិ ដែលកំពុងញំាញីដោយសារ​វិបត្តិសេដ្ឋកិច្ចមិនធ្លាប់ដែលមានពីមុនមក ។ប្រជាពលរដ្ឋស្រីលង្កា បានដង្ហែក្បួនតាមដងផ្លូវអស់រយៈពេលជាច្រើនខែមកហើយ ទាមទារឲ្យក្រុមមេដឹកនាំ​កំពូល​ៗ​របស់ពួកគេលាលែងពីតំណែង ក៏ដូចជាទទួលខុសត្រូវចំពោះភាពវឹកវរសេដ្ឋកិច្ច ដែលបានធ្វើឲ្យ​ប្រជាពលរដ្ឋ ២២​លាននាក់នៅក្នុងប្រទេសមួយនេះ រស់នៅយ៉ាងត្រដាបត្រដួល ជួបកង្វះខាតសម្ភារប្រើប្រាស់ចាំបាច់ ដែលរួមទាំងថ្នាំពេទ្យ ប្រេង និងចំណីអាហារ ៕ អត្ថបទ ៖ សារ៉ាត់